Rusiyanın Murmansk Vilayətinin Hakimiyyəti bölgədə Andrey Zvyaqintsevin “Leviafan” filminin nümayişini qadağan etmək fikrində olmadığını bəyan edib. Bu barədə kulis.az gazeta.ru-ya istinadən xəbər verir. Bundan əvvəl mətbuatda vilayət qubernatorunun təşəbbüsü ilə filmin prokatdan çıxarılması haqda xəbərlər verilmişdi.

“Belə bir qadağa olmayıb və ola da bilməz” deyə bölgə hakimiyyətinin mətbuat katibi bildirib. Xatırladaq ki, bundan əvvəl filmin çəkildiyi Teriberka qəsəbəsinin rəhbəri və Provaslav alimləri assosiasiyası şimal sakinlərini təhqir etdiyinə və provaslav kilsəsini ləkələdiyinə görə, filmin prokatının əleyhinə çıxmışdılar.

Qeyd edək ki, ki, "Leviafan" filmi Nikolay adlı çilingərin həyatından bəhs edir. Nikolayın evi vilayət meri tərəfindən alınır, o, məhkəmələri uduzur, filmin finalında ailəsi dağılmış, evi uçurulmuş, özü həbsə atılmış Nikolayın evinin xarabalığında tikilmiş məbəddə provaslav keşişi merin iştirakı ilə moizə oxuyur.

A.Zvyaqintsevin “Leviafan” filmi müxtəlif nüfuzlu kino festivalının qalibidir.

Bu gün isə “Leviafan” filminin ən yaxşı xarici film nominasiyasında “Oskar”a namizəd olduğu məlum olub.

• "Sustalı Ceylan"la bağlı dəyişiklik
• Anqolanın ilk prezidenti niyə Moskvada öldü? - Tarixin kulisi
• Hollivudda süni intellektlə bağlı etiraz - Səbəb