writer1

Oğuz Ayvaz

Məqalə sayı

171
clock12:16 calendar-gray 11 Fevral 2020 view-gray4514 dəfə oxunub
view-gray4514 dəfə oxunub

Qar yağmasa, o qızla sevgili olmazdım

Uşaq vaxtı qar yağanda çox sevinirdim. Gecə hamı yatandan sonra ərinmədən aşağı düşür, məhəlləmizi bürüyən ağ örtüyün üzərindəki ayaq izlərini itirməyə çalışırdım. Çünki yenidən qarın yağacağına inanmırdım və insanların etinazsızcasına qarı tapdalayıb onun gözəl mənzərəsini pozacağına uşaq çılğınlığı ilə əsəbiləşirdim...

Bir neçə gündü, Bakıya da adda-budda qar yağır. Bir də görürsən Yasamala yağan qarın heç üçdə biri Bakıxanova yağmayıb. Adamlar da bir parça qarla şəkil çəkdirib fəxrlə sosial şəbəkələrdə paylaşırlar. Kədərlidir. Bu şəhərə heç düz-əməlli qar da yağmadı. Buludları anlamaqda çətinlik çəkirəm. Bir də görürsən o başdan güclü külək başlayır. Buludları da çəkib aparır uzaqlara...

Çirklənən şəhərin, insanların üzərinə bəmbəyaz qar dənəciklərinin yağması içimdə səbəbsiz sevinclər yaradır. Bu mənzərəyə saatlarla səssiz-səmirsiz baxa bilərəm...

Həmişə qar yağanda küçələrdən ayrıla bilmirdim. Qara olan sevgim o qədər böyük və ifadəsiz idi ki, soyuğu hiss etmirdim. Hər kəs evinə gedəndə mən göyün üzünə tamaşa edirdim. Qar dənəcikləri ağcaqanad ordusu kimi üzərimə yağırdı. Sonra atam danlayardı məni: “qar yağanda iş olmur, işıqlar sönür, adamlar üşüyür...” Atamın sözləri hələ də içimdə buz heykələ çevrilə bilmir. Adamların üşüməyi, işıqların sönməyi belə məni mütəəssir edə bilmirdi. Qar yağanda heç cürə kədəri duya, üzücü hadisələrə şərh verə bilmirdim. Ona görə də heç vaxt atamı anlaya bilmirdim. Bəlkə də bu qara olan aclığımdır. Bilmirəm...

Bir dəfə yollar buz bağlamışdı, küçədə adamlar ehtiyatla yeriyir, bir-birlərinə kömək edirdilər. Yuxarı küçədən aşağı bir qız gəlirdi. Saçlar ağarmış, qollarını sarmaşıq kimi bədəninə dolamışdı. Qar, üşüyən qız, buzlu yol... Mənzərəyə baxa-baxa yerimdə dondum. Qız mənə yaxınlaşanda ayağı büdrədi və yıxılmaq üzrə idi ki, əl atdım tutam, ikimiz də birdən tirtap uzandıq qarın üzərinə. Göz-gözə gəldik, gülüşdük. Elə bilirdim, bu cür səhnələr filmlərdə olur. Ağarmış saçını yellətdi. Qar dənəcikləri üzümə düşdü. Metroya qədər ona kömək elədim. Sonra sevgili olduq bu qar qızla. Yayın yandırıcı istisində də ayrıldıq. İndi kimsə qarlı yolda sürüşüb yıxılanda o qız yadıma düşür.

Nazim Hikmət demiş, qar yağır qaranlıqlara, qar yağır və mən xatırlayıram. Qar... Üflənən bir şam kimi söndü qocaman işıqlar və şəhər kor bir insan kimi qaldı... İndi Bakı küsəyən bir uşaq misalı, qara həsrətdir.

Mənə elə gəlir, qar Tanrının kirli dünyanı təmiz göstərmə şəklidir. Dənə-dənə ələnər yer üzünə, öz musiqisini bəstələyər. Bu bəstədən məhrumdu bu şəhərin adamları. İndi hamımız qar dənəcikləri kimi yaşamırıqmı?! Bir-birimizə toxunmadan, ayrı-ayrı əriyərək...

REKLAM

Yazarın digər yazıları

Xəbər lenti

"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020
Tarık Akanın heç yerdə bilinməyən söhbəti
11:12 10 İyul 2020
Səni sevən öldü, zalım – Səhər Əhməd yazır...
10:35 10 İyul 2020
Notr-Dam kilsəsi yenidən bərpa ediləcək
10:01 10 İyul 2020
Dodağının altında məni söyüb qarğıyırdı - Bircənin romanı
09:00 10 İyul 2020
Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020