“Sözcü” telekanalının binasında əməliyyat - Saxlanılanlar var

“Sözcü” telekanalının binasında əməliyyat - Saxlanılanlar var
17 noyabr 2026
# 09:57

İstanbul Respublika Baş Prokurorluğu tərəfindən aparılan "Terrorçuluğun maliyyələşdirilməsinin qarşısının alınması haqqında" qanuna zidd əməllər və "FETÖ/PDY" (Fətullahçı Terror Təşkilatı / Paralel Dövlət Quruluşu) üzvlüyü iddiaları ilə bağlı istintaq çərçivəsində "Sözcü TV" (SZC TV) və "sozcu.com.tr" xəbər saytına qəyyum təyin edildiyi bildirilib.

Kulis.az xəbər verir ki, qərar "Sözcü" qrupunun televiziya və rəqəmsal platformalarını əhatə etsə də, "Sözcü", "Tavır" və "Korkusuz" qəzetlərinə şamil olunmayıb.

Noyabrın 17-si çərşənbə axşamı səhər saat 04:20 radələrində çoxlu sayda polis əməkdaşı "Sözcü"nün binasına daxil olaraq axtarışlara başlayıb və binaya gedən bütün yollar bağlanıb. Əməliyyat çərçivəsində "Sözcü TV"nin İdarə Heyətinin sədri Funda Tuncer Sıdal və keçmiş baş direktor Asım Akgül saxlanılıb. "Sözcü" qəzetinin yazarı İsmayıl Saymaz sosial media hesabından polis axtarışını təsdiqləyərək, kanala qəyyum təyin edildiyini bildirib.

"Sözcü Medya Qrupu"nun vəkili Ersan Barkın qərara etiraz edərək bildirib ki, İstanbul Respublika Baş Prokurorluğu tərəfindən aparılan axtarış Ali Məhkəmənin əvvəllər ləğv etdiyi, qanunsuzluq tapmadığı və cinayət olmadığını təsdiqlədiyi bir fayla əsaslanır. Telekanalın aparıcılarından Damla Doğan Tuncel isə xəbər mərkəzinə qayıtdıqlarını və günortadan sonra (hesablar yoxlanılmaqla yanaşı) yenidən canlı yayıma keçməyi planlaşdırdıqlarını bildirib.

İstanbul Respublika Baş Prokurorluğunun açıqlamasına görə, MASAK (Maliyyə Cinayətlərini Araşdırma Qurumu) hesabatlarının araşdırılması nəticəsində "Sözcü"nün sahibi Burak Akbayın xaricdəki bank hesablarından "Estetik Yayıncılık AŞ" və "Mega Ajans"ı maliyyələşdirdiyi və bu şirkətlər üzərindən "təşkilat rəhbərliyini" davam etdirdiyinə dair şübhələr yaranıb. Məhz bu əsasla İstanbul 4-cü Sülh Cəza Məhkəməsi TMSF-ni qəyyum kimi təyin edib.

Qeyd edək ki, Burak Akbay haqqında hələ 2017-ci ildə "terror təşkilatı qurmaq və idarə etmək" iddiası ilə axtarış qərarı çıxarılmışdı və hazırkı istintaq da həmin məhkəmə prosesinin maliyyə yoxlaması məqsədilə etdiyi müraciət əsasında başladılıb.

# 49 dəfə oxunub

Oxşar xəbərlər

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

10:00 17 noyabr 2026
Türkiyə İş Bankı Muzeyi 3,5 milyondan çox ziyarətçi qəbul etdi

Türkiyə İş Bankı Muzeyi 3,5 milyondan çox ziyarətçi qəbul etdi

18:42 16 noyabr 2026
Ağ Evdən böyük olan İsa Kilsəsinin döşəməsi aşkar edildi

Ağ Evdən böyük olan İsa Kilsəsinin döşəməsi aşkar edildi

18:17 16 noyabr 2026
Yeni "Harry Potter" serialı  etirazlara səbəb oldu

Yeni "Harry Potter" serialı etirazlara səbəb oldu

17:32 16 noyabr 2026
“R.E.M.”dən 25 il sonra musiqi hədiyyəsi: “Reveal”

“R.E.M.”dən 25 il sonra musiqi hədiyyəsi: “Reveal”

16:57 16 noyabr 2026
Cinsi zorakılıqda təqsirləndirilən aktyor apellyasiya şikayətini geri götürdü

Cinsi zorakılıqda təqsirləndirilən aktyor apellyasiya şikayətini geri götürdü

16:24 16 noyabr 2026
#
#
Ana səhifə Reels Yazarlar Xəbərlər