Fransız aktyor Jerar Depardye barəsində çıxarılmış cinsi zorakılıq hökmündən apellyasiya şikayətini geri götürüb və zərərçəkən qadınlardan üzr istəyib.
Kulis.az xəbər verir ki, aktyor yazılı açıqlamasında məhkəmənin qərarını qəbul etdiyini və davranışlarının qadınlara vurduğu zərəri anladığını bildirib.
Bu, Depardyenin iş üzrə ilk açıq üzrxahlığı hesab olunur.
Məhkəmə aktyoru 2021-ci ildə “Les Volets Verts” filminin çəkiliş meydançasında iki qadına qarşı cinsi zorakılıqda təqsirli bilmişdi. Apellyasiya şikayətinin geri götürülməsi ilə hökm qüvvədə qalır. Depardye açıqlamasında çəkiliş meydançalarında uzun müddət kobud zarafatların və təxribatçı davranışların arxasında gizləndiyini də etiraf edib. Zərərçəkən qadınlardan biri üzrxahlığı illərdir gözlədiyini desə də, aktyorun bunu məhkəmədə şəxsən etməsini üstün tutacağını bildirib.