news-inner
clock16:17 calendar-gray 05 Sentyabr 2017 view-gray363 dəfə oxunub
view-gray363 dəfə oxunub

Portağal qabığından qayıqlar - Seyid Aynurun şeirləri

"Doğum evi" ilə "qocalar evi" arasındakı parkda

Radioya bənzəyirdi

o gün adamlar-

hərənin ağzında bir avaz,

ürəyində bir dalğa.

Mən portağal qabıqlarından

qayıqlar düzəldib

dənizə buraxdım,

portağal qoxulu adam

çarpayısında yatırdı.

Ailə tabloları çəkə bilməyən

sağ əlim

cızdı qumun üzərində:

məni,

səni

bir də körpə portağalı.

⃰ ⃰ ⃰

İlk anan yoruldu,

vur-tut 7 ay dözə bildi:

vaxtından əvvəl azad oldu səndən.

Böyüdün növbə dostlarına çatdı,

onları deyingənliyin bezdirdi.

Bir vaxtlar sevdiyin

o "otkritka"

kimi qız da tab gətirə bilmədi,

kasıb, ancaq şair ruhlu biri olmağına

başqasıyla nişanlanıb xəyanət etdi.

Təkcə mən qaldım deyəsən:

it ilində doğulan.

Yuxulayıram:

əlimdə Çin təqvimi.

⃰ ⃰ ⃰

İnternatdan tanıyırdıq bir-birimizi,

ilbəil gözəlləşərdi-

saçları uzanardı

arzuları boy atdıqca.

Mən ona bağlanmamağı öyrədəcəkdim,

o, saflığın hələ də var olduğunu.

İkimiz də kimsəsiz idik:

xatırladıqca ağrıdırdı,

onun məni hər görəndə

niyə "doğum evi" ilə "qocalar evi"

arasındakı parkda görüşdüyümüzü

doluxsunaraq soruşması.

⃰ ⃰ ⃰

Sahə poçtalyonlarıdır

kəpənəklər:

bir çiçəyin sevgi tozcuğunu

başqa çiçəyə çatdıran!

⃰ ⃰ ⃰

Arxanca su atan əllərim

dalaşdı yollarla.

ehh, dirijorum,

hər ağlayanda gözlərimdən

notlar töküldü minor-minor.

⃰ ⃰ ⃰

Yay yağışından sonra

göyün üzündə çıxan

göyqurşağının hər ucundan

bir quş yapışıb

qızılı saçlarını

çiyinlərinə tökən günəşlə

ipdən atlama oynadı.

Biz -

mən və evimin pəncərəsi

bərəlmiş gözlərlə baxa - baxa qaldıq.

⃰ ⃰ ⃰

Səkkizlik, çərək notların

səslənmə uzunluğuna görə

qollarını gah qaldırar,

gah da aşağı salardı maestro külək.

Ağaclar xor vokalçıları kimi

başlarını yelləyib uğultulu bir səslə oxuyardı,

şəhərə yayılmışdı ayrılıq xəbəri -

ağlımı itirmişdim.

Dərd içində batana

saman çöpüydü siqaret.

news-inner-user

19973 məqalə

Oxşar xəbərlər

Xəbər lenti

Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021