Alman rejissor Vim Venders 1975-ci ildə çəkdiyi "Səhv hərəkət" filmini nümayişdən çıxardığını açıqlayıb.
Kulis.az xəbər verir ki, bu barədə "Variety" nəşri məlumat yayıb.
Vendersin sözlərinə görə, bu qərara səbəb ekran işində çəkilişlər zamanı 13 yaşı olan aktrisa Nastasya Kinskinin çılpaq sinəsinin göründüyü səhnə olub.
Kinematoqrafçı məsələ ilə bağlı bunları qeyd edib:
"O vaxt "Səhv hərəkət" filminə görə məsuliyyət daşıyan və hələ də həyatda olan yeganə şəxs kimi etiraf edirəm: o zaman Nastasya Kinskini daha yaxşı qorumalı idim. Buna görə də heç bir "əgər" və "amma'"olmadan, qeyd-şərtsiz səndən üzr istəyirəm, Nastasya".
Qeyd edək ki, "Səhv hərəkət" filmində Kinski lal yeniyetmə qız rolunu canlandırıb.
"Variety" nəşri bildirir ki, aktrisa dəfələrlə Vendersi filmin yeni versiyasını buraxmağa çağırıb. O, bunun kinoda ilk təcrübəsi olduğunu və əgər özünə daha çox etibar etsəydi, belə bir səhnədə çəkilməyə razı olmayacağını bildirmişdi.
Venders əlavə edib ki, Almaniya Kino Akademiyası və Nastasya Kinski ilə qarşılıqlı razılaşdırılmış həll yolu tapılana qədər sözügedən film əlçatmaz olaraq qalacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
