2 sentyabr görkəmli fransız rəssam Anri Jülyen Felis Russonun anım günüdür.

Kulis.az bu münasibətlə sənətkar haqqında maraqlı faktları və onun "Yatan qaraçı" (1897) tablosunu təqdim edir.

Anri Jülyen Felis Russo "Le Douanier" — yəni "Gömrükçü" ləqəbi ilə tanınır. Bu ləqəb ona, Fransanın gömrük orqanlarında işlədiyi üçün verilmişdi.

Russo 21 may 1844-cü ildə Fransanın Laval (Mayen) şəhərində anadan olub. Gənc yaşlarında ordu xidmətində olmuş və bundan sonra gömrük işçisi kimi fəaliyyət göstərib. Rəssamlıqla isə tamamilə özbaşına, peşəkar təhsil almadan məşğul olub.

Russo rəsmlərinə yetkinlik yaşına çatmamışdan əvvəl başlayıb. O, 1886-cı ildə ilk dəfə məşhur "Müstəqil sərgi"də iştirak edərək işlərini ictimaiyyətə təqdim edib.

Anri Russo primitivizm cərəyanının ən məşhur nümayəndələrindən biridir. Onun əsərlərində rənglərin zənginliyi və orijinal mövzular xüsusilə diqqət çəkir. O, həyatında heç vaxt görmədiyi ekzotik cəngəllik mənzərələrini böyük ustalıqla təsvir edib.

Russo ayağını yaraladı və nəticədə yaranan qanqren səbəbindən 2 sentyabr 1910-cu ildə Parisdə Necker xəstəxanasında vəfat edib.

Russonun qəbirüstü baş relyefini rumıniyalı məşhur heykəltaraş Konstantin Brunkuşi hazırlayıb. Bu abidə onun sənətinə olan hörmətin və xatirəsinin əbədiləşdirilməsinin simvoludur.

• “Bir səfərin izi ilə - ABŞ” filminin təqdimatı oldu
• "Biz heç nəyi məsləhət qədər səxavətlə paylamırıq" - Laroşfukodan aforizmlər
• İstintaq - Əli Novruzovun hekayəsi