26 sentyabr tanınmış alman boyakarı Avqust Makenin anım günüdür.

Kulis.az bu münasibətlə rəssamın həyat və yaradıcılığı haqqında materialı təqdim edir.

1887-ci ildə inşaatçı atanın və kəndli ananın oğlu olaraq Vestfaliya bölgəsinin Mesşe şəhərində dünyaya gəlib.

1904-1906-cı illərdə Düsseldorfda İncəsənət Akademiyasında və Tətbiqi İncəsənətlər Ali Məktəbində təhsil alıb. Səhnə dizayneri kimi dolanışığını təmin edib.

"Hammamet ətrafı" tablosu

1907-1908-ci illərdə isə rəsm çalışmalarını Berlin şəhərində Lovis Korintin rəsm məktəbində davam etdirib. Bu müddət ərzində iki dəfə Parisə səyahət edib. Həmin vaxtlar impresionist əsərlərdən təsirlənib.

1909-cu ildə İsveçrədə qalarkən rəssam Lui Moiliet ilə tanış olub.

1910-cu ildə Münhenə etdiyi səfərlərdən birində Elizabet Gerhard ilə görüşüb. Bir müddət sonra onunla ailə qurub.

Bal ayı üçün səyahətə çıxdığı vaxtda Vassili Kandinski , Aleksey von Yavlenski kimi məşhur rəssamlarla tanış olub.

“Münhenin Yeni Rəssamlar Birliyi" ilə əlaqələr qurub.

"Tunis" tablosu

1912-ci ildə Köln şəhərində Avropa incəsənət tendensiyalarını ilk dəfə geniş şəkildə əhatə edən “Avropa Sonderbund” sərgisi keçirilib.

Make həm sənətçi, həm də təşkilatçı kimi sərgidə iştirak edib.

1913-cü ildə İsveçrənin Hilterfingen şəhərinə köçüb. Köçdükdən qısa müddət sonra Lui Moiliet və Pol Klee ilə birlikdə Tunisə səyahət edib.

Rəssam daha sonralar əsasən, ekspressionizmə yönəlir. Əsərlərində əsasən duyğuları ifadə etmək ön plandadır.

Onun iş tərzi rəng və formaları dəyişdirərək obyektiv reallığı təkrarlamaqdan çox, hissləri və ruh hallarını əks etdirməyə yönəlib.

"Ağacların altında qızlar" tablosu

Make çox gənc ikən - cəmi 27 yaşında, 1914-cü ildə Fransanın Champagne şəhərində vəfat edib.

Rəssamın "Oturan ərəb", "Tunis mənzərəsi", "Tunis", "Sen Jermen-də villanın terrası", "Dağ keçidi", "Tərəvəz tarlası", "Yaşıllıq içində qızlar", "Mavi dəniz kənarında insanlar", "İnək və dəvə mənzərəsi", " "İşıqlı ev", "Tacir", "Qəzet oxuyan adam", "Parkda gəzinti", "Küçə mənzərəsi", "Kompozisiya","Yaşıl gödəkçəli qadın" məşhur əsərləri dünyanın müxtəlif yerlərindəki nüfuzlu muzeylərdə nümayiş etdirilir.

"Qayalıq bölgə" tablosu

• "Həyatım mənim, kinematoqraf!" - Gənc ömrünün 8 ilini kinoya həsr edən Səməd Mərdanov
• Müəllif hekayədə niyə ağlaşma qurub? - Müzakirə
• Cüzamlı uşaqlar, rahiblərin nəzarətində çimənlər... - "İşıq rəssamı"nın 3 məşhur əsəri