Milli Dram Teatrımın aktyoru Ayşad Məmmədov yazarların toy əleyhinə müraciətinə qoşulduğunu bəyan edib.
O, Kulis.az-a verdiyi açıqlamada bildirib ki, öz ailəsi daxilində bu kampaniyanı çoxdan başlayıb: “Hələ neçə il bundan əvvəl bir ayda o qədər toya dəvət olundum ki, ailə büdcəsinə daxil olan vəsaitlə o toylara yazdıracağım pul tərs mütənasib oldu. Dərd məni götürmüşdü. Onsuz da o toya yazdırdığımız pul iki gəncin cibinə deyil, şadlıq evlərinə gedir. Belə şadyanalığın nə toy sahibinə, nə də toya dəvət olunanlara xeyri var. Əksinə, yazıq gənclər toy qabağı stress yaşayırlar ki, görəsən toydan borclu çıxmayacağam? Əgər borclu qalsan, şadlıq evində qalmaq ehtimalı da var axı. Toya gedən adamın bəzən imkanı olmur, borca düşüb toya getməli olur. Bunun özü də toy sahibinə mənfi emosiya ötürmək deməkdir. Çox düşünəndən sonra ailədə qərara gəldik ki, bir daha heç bir toya getməyək. Bu qərar gələndə əmim qızının toyuna dəvətnamə gəlmişdi, getmədik. Buna görə kim inciyir, qoy incisin”.
Aktyor özü iki övlad atasıdır. Deyir ki, mən övladlarıma dəbdəbəli toy etməyəcəyəm: ”50-60 nəfər dost-tanışı, yaxın adamları çağıracağam ki, övladımın şad günündə mənimlə şənlənin. Gələnlərdən də pul yığmayacağam. Təklifim də budur ki, bundan sonra biabırçı toy formatını dəyişək”.
Q. Ramilə
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Əsərləri Milli İrlandiya Qalereyasında saxlanılan rəssam - Onun hansı tablosu rekord qiymətə satılmışdı?
15:08
10 noyabr 2025
Danimarka şahzadəsinin ölümdən qurtardığı şair - Ona niyə yazmağı qadağan etmişdilər?
10:00
10 noyabr 2025
Modern romanı yenidən inşa edən yazıçı
18:15
6 noyabr 2025
"Əjdaha" karvansarası açdı, dostunun tablosunu özü tamamladı - Renessansın unudulmuş rəssamı kim idi?
14:30
5 noyabr 2025
Erotik əsərlərlə tanınan polyak şair - Onun şeirlərinin tərcüməsi niyə mümkünsüz sayılırdı?
13:00
5 noyabr 2025
"Azərbaycan ədəbiyyatının ən yaxşı nümunələrini biz yaradırıq!" - Rəvan Cavid
14:38
4 noyabr 2025
