Yanvar ayında vəfat edən məşhur kino ustası Devid Linçin Hollivud təpələrində yerləşən möhtəşəm mülkü satışa çıxarılıb.

Kulis.az xarici mediaya istinadən xəbər verir ki, bu malikanədə, rejissorun montaj studiyası, şəxsi nümayiş zalı və "İtkin Avtomobil Yolu" (Lost Highway) filmində yer alan ikonik evi də yerləşir.

Devid Linç üçün bu ev qaranlıq yuxuların və yaradıcı təsəvvürlərin gerçəyə çevrildiyi bir məkan idi. İndi isə bu görkəmli yaşayış kompleksi 15 milyon dollar qiymətə satışa təqdim olunub.

"Mulholland Drive" filminin əfsanəvi rejissoru Linç 1987-ci ildə bu evə köçmüşdü. “Beverly Johnson Evi” kimi tanınan bu bina, 1963-cü ildə məşhur amerikalı memar Frank Lloyd Raytın oğlu Lloyd Rayt tərəfindən dizayn edilib.

"Zillow" platformasında yerləşdirilən elana əsasən, bu ev Los-Anceles Tarixi Miras Siyahısı (Historic Places LA) tərəfindən “Orta əsrin müasir və orqanik yaşayış memarlığının mükəmməl nümunəsi” kimi tanınıb.

Cəsarətli geometriyası, şüşə divarları və daxili–xarici məkan arasında axıcı keçidləri ilə bu memarlıq əsəri yamac modernizminin dramatik ruhunu əks etdirir.

Bu kompleksdə David Linçin film tarixində iz qoyan digər iki əhəmiyyətli mülkü də yerləşir: biri rejissorun prodakşn şirkətinin əsas qərargahı kimi fəaliyyət göstərib, digəri isə “İtkin Avtomobil Yolu” filmində istifadə olunmuş evdir.

Linç daha sonra bu ərazidə ikimərtəbəli qonaq evi və bir yataq otaqlı yaşayış sahəsi yaratmaq üçün əməkdaşlığa başlayıb. 1991-ci ildə o, memarlıq əfsanəsi Frank Lloyd Raytın nəvəsi Eric Lloyd Raytı hovuz və hovuz evi dizayn etməsi üçün layihəyə cəlb edib. Bu şəkildə, bir zamanlar dahi sənətkarın həyatını və yaradıcılığını daşıyan 2,3 hektarlıq ərazidə valehedici əlavə tikililər kompleksi formalaşıb.

Çəkim avadanlıqları, süni dişlərlə dolu siyirmələr, Linçin sürrealist tabloları ilə bəzədilmiş divarlar — evin fotoşəkilləri həm heyranedici, həm də unudulmazdır; əslində bu ev, unikal bir zehniyyətin izlərini daşıyır.

Mülkün bəzi hissələri hələ də Linçin xatirələri ilə doludur. Rejissor ölümündən bir qədər əvvəl Los-Ancelesdəki meşə yanğınlarına görə müvəqqəti təxliyə edilsə də, malikanə zərər görmədən qorunub saxlanılıb.

Devid Linçin adını daşıyan digər mülklər də zaman-zaman medianın diqqətini çəkmişdi.

Məsələn, rejissorun kino karyerasına başladığı Filadelfiyadakı köhnə evi 2022-ci ildə 325 min dollara

satışa çıxarılmışdı. Bundan əlavə, kult serial "Əkiz təpələr"də Laura Palmerin evi kimi tanınan bina 2014-cü ildə 500 min dollara satılmışdı.

Malikanənin dizaynı klassik orta əsrlər modernizmi ilə tam uyğunluq təşkil edir. Linçin memarlığa olan sevgisi və estetik baxışı, bu evdəki hər detalda hiss olunur.

Təxminən 60 illik karyerası ərzində Devid Linç tamaşaçıları həm təəccübləndirən, həm də ovsunlayan unikal dünyalar yaratdı.

O, Amerika suburbiyasının səssizliyi altında gizlənən qaranlıq tərəfi üzə çıxararaq öz dəsti-xəttini formalaşdırdı.

Yalnız kino ilə kifayətlənmədi — rəsm çəkdi, mebel dizayn etdi, musiqi layihələrində iştirak etdi. Hər şeydən əvvəl o, bir sənətkar idi və ideyalarını həyata keçirmək üçün daim yenilikçi yollar axtarırdı.

Onun evinin satışa çıxarılması, hazırda dünyanın müxtəlif yerlərində davam edən anım tədbirləri ilə eyni vaxta təsadüf edir.

Bu ayın sonunda Londonda xüsusi bir Devid Linç festivalı keçiriləcək.

Britaniya Film İnstitutu (BFI) isə gələn ilin əvvəlində Linçin yaradıcılığına həsr olunmuş genişmiqyaslı nümayiş mövsümünə start verəcək.

Qeyd edək ki, Linçin Hollivud təpələrindəki evini almağa maliyyə imkanı olmayan pərəstişkarlar üçün malikanənin fotolarına baxmaq belə “xəyal qurmaq” zərurətini xatırladır.

• "Sən gedəndən anam..." - Nuran Yaqub
• “Sən məndən yaz, mən də səndən...” - İnstaqramda şeirinə 500 layk gələnə şair deməliyikmi?
• Ukraynadakı müharibəni tənqid edən musiqi qrupu həbs edilib