İntibah dövrünün saray sənətkarı - Müasirləri onun haqqında nə yazırdılar?

İntibah dövrünün saray sənətkarı - Müasirləri onun haqqında nə yazırdılar?
12 noyabr 2025
# 16:40

12 noyabr İntibah dövrünün görkəmli italyan heykəltəraş və rəssamı Baçço Bandinellinin doğum günüdür.

Kulis.az bu münasibətlə onun həyatı və yaradıcılığı haqqında maraqlı faktları təqdim edir.

Baçço Bandinelli (əsl adı Bartolommeo Brandini) 1493-cü ildə Florensiyada dünyaya gəlib və 1560-cı ildə də eyni şəhərdə vəfat edib.

O, İntibah dövrünün ən diqqət çəkən italyan heykəltəraşlarından biri sayılır.

Mediçi ailəsinin dəstəyi ilə onun əsərləri zamanının ən prestijli yerlərində sərgilənib və məşhurluq qazanıb.

Bandinelli sənətə zərgər kimi başlamışdı. Atası oğlunu bu sahəyə yönləndirmişdi, amma gənc Bartolommeonun ürəyi daşlara və heykəllərə doğru çəkilmişdi.

O, Covanni Françesko Rastiçinin yanında heykəltəraşlıq təcrübəsi qazandı, qısa müddətdə Florensiyada və Toskana hersoqu I Kosimo Mediçinin sarayında tanınmış bir sənətkar oldu.

Birisi Vatikanda (1531), o birisi Florensiyada (1550) olmaqla iki incəsənət məktəbi açmışdır.

Sənət tarixçiləri Bandinellini həm böyük istedad sahibi, həm də çətin xasiyyətli birisi kimi təqdim edirlər.

Corcio Vasari və Benvenuto Çellini onun qısqanc, pis və qabiliyyətsiz biri olduğunu yazmışlar.

Hətta Bandinelli 1530-cu ildə yalnız öz soyadını alaraq sənət dünyasında fərqli bir iz qoymuşdu.

Bandinellinin yaradıcılığı onun texniki ustalığını və sənətə olan ehtirasını açıq göstərir.

Florensiyanın Uffizi qalereyasında saxlanılan “Laokoon”, “Herakl və Kakus” (1534) heykəli və Florensiya kafedralı üçün hazırladığı qabartmalar onun sənətinin şah əsərlərindəndir.

Lakin sonrakı illərdə Mediçi sarayındakı nüfuzunu Bartolommeo Ammannati və Benvenuto Çelliniyə verərək, sənət aləmində rəqabətin acı reallığını yaşadı.

Baçço Bandinelli İntibah dövrünün unudulmaz heykəltəraşlarından biridir.

Onun əsərlərində güc və dramatik duyğuların əks olunduğunu görmək mümkündür.

# 1381 dəfə oxunub

Oxşar xəbərlər

Rəşad Məcidə ağır itki üz verdi

Rəşad Məcidə ağır itki üz verdi

10:33 15 noyabr 2026
Deyv Qrolun qızı “Aclıq oyunları” üçün yeni mahnı yazdı – “Metal Birds” təqdim edildi

Deyv Qrolun qızı “Aclıq oyunları” üçün yeni mahnı yazdı – “Metal Birds” təqdim edildi

17:46 14 noyabr 2026
“Blink-182”, “Evanescence” və “Bring Me The Horizon”  ilk dəfə Dounload Festivalının əsas səhnəsinə çıxacaq

“Blink-182”, “Evanescence” və “Bring Me The Horizon” ilk dəfə Dounload Festivalının əsas səhnəsinə çıxacaq

16:55 14 noyabr 2026
Stivi Uander səhnədən Maklemoru müdafiə etdi: “İstəyirsinizsə, məni də qadağan edin”

Stivi Uander səhnədən Maklemoru müdafiə etdi: “İstəyirsinizsə, məni də qadağan edin”

16:01 14 noyabr 2026
Rozaliya üçüncü dəfə “Latin Grammy”nin ən böyük mükafatını qazandı

Rozaliya üçüncü dəfə “Latin Grammy”nin ən böyük mükafatını qazandı

14:12 14 noyabr 2026
Uşaqlara pis nümunə göstərməkdə ittiham olunurdu – "Uzuncorab Peppi" niyə bu qədər etiraz doğurmuşdu?

Uşaqlara pis nümunə göstərməkdə ittiham olunurdu – "Uzuncorab Peppi" niyə bu qədər etiraz doğurmuşdu?

14:00 14 noyabr 2026
Ana səhifə Reels Yazarlar Xəbərlər