İngilis rəssamın məşhur əsəri hərraca çıxarılacaq

Media

Ana səhifə
Media

İngilis rəssamın məşhur əsəri hərraca çıxarılacaq

30 sentyabr 2026

12:20

Tanınmış ingilis rəssamı Uilyam Tyornerin 1836-cı ilə aid "Aventin təpəsindən Romanın mənzərəsi" adlı məşhur tablosu dekabr ayında keçiriləcək hərracdan əvvəl ilk dəfə Romadakı "Palazzo Rondinini" sarayında sənətsevərlərə təqdim edilib.

Kulis.az xəbər verir ki, əsərin təşkil olunacaq hərracda təxminən 50 milyon funt-sterlinqə (58 milyon avro) satılacağı və yeni rekord vuracağı gözlənilir.

Tarix boyunca cəmi iki dəfə əl dəyişdirən bu tablo yaxşı qorunub saxlanılıb.

Əsərin üzərində heç bir bərpa və ya təmizləmə işi aparılmayıb, hətta rəssamın fırçasının tükləri və barmaq izləri də orijinal halında qalmaqdadır.

Rəssamın sulu boya texnikasını yağlı boyaya tətbiq edərək yaratdığı bu işıq və atmosfer effekti daha sonra Klod Mone və Mark Rotko kimi sənətkarlara da dərin təsir göstərib.

Qeyd edək ki, Roma sərgisindən sonra sənət əsəri Honq Konq və Nyu-Yorkda nümayiş olunacaq, ardından Londonda hərraca çıxarılacaq.