Daşkəndin 10 modern tikilisi UNESCO-nun siyahısına daxil edildi

Media

Ana səhifə
Media

Daşkəndin 10 modern tikilisi UNESCO-nun siyahısına daxil edildi

3 avqust 2026

11:50

Özbəkistanın paytaxtı Daşkənddə yerləşən 10 modern tikili və şəhər kompleksi UNESCO-nun Ümumdünya İrsi Siyahısına daxil edilib.

Kulis.az xəbər verir ki, qərar Cənubi Koreyanın Busan şəhərində keçirilən UNESCO Ümumdünya İrs Komitəsinin 48-ci sessiyasında qəbul olunub.

"Daşkəndin modern memarlığı: Orta Asiyada müasirlik və ənənə" adı altında siyahıya alınan ərazi 1960-cı illərdən 1990-cı illərin əvvəllərinə qədər inşası başa çatan 10 unikial memarlıq nümunəsini əhatə edir.

UNESCO bu abidələri beynəlxalq modern memarlıq üslubunun yerli mədəniyyət, iqlim şəraiti və Daşkəndin zəlzələ riski ilə uyğunlaşdırılaraq yenidən təfsir edilməsinin ən parlaq nümunəsi kimi qiymətləndirib.

Siyahıya daxil edilən 10 obyekt bunlardır: "Jemçuq" (İnci) yaşayış binası, Dövlət Tarix Muzeyi, Təsviri Sənət Akademiyasının Mərkəzi Sərgi Salonu, "Kosmonavtlar" metro stansiyası, Böyük Günəş Sobası, Xalqlar Dostluğu Sarayı, Dövlət İncəsənət Muzeyi, Dövlət Sirki, Çorsu bazarı və Əlişir Nəvai adına Kino Sarayı.

Qeyd edək ki, Özbəkistanın “YUNESKO”-nun Ümumdünya İrsi Siyahısındakı mədəni irs obyektlərinin sayı altıya çatıb.