Ölən qadının son qoxladığı

Ölən qadının son qoxladığı
25 fevral 2014
# 09:00

Natəvan Mikayılova

Gözlərimin önündə can çəkişən yaşlı bir qadın. Təngiyən nəfəsi içinə kəsik çəkərək, geri qaytardığında isə sanki, illərdir yığılan dərdini bu nəfəslə qaytarırmış kimi ovurdları dolub boşalırdı. Heyrətlə izləyirəm. Can bədəndən çıxır. Bu cümlənin gerçəkliyi qarşımda.

Çox danışa bilmir. Hər kəs başına toplaşıb. Ev çaxnaşmadadır. Gəlin o yan, bu yana qaçır. Hərə bir şey istəyir. Qadının baxışları gəlinin dalınca hərlənir “mərhəmət et” yalvarışı ilə. Kimsə fərqində deyil. Gəlin duruxur. Ona tərəf əyilir: “Nə?... Nə deyirsən?”

Taqətsiz əlini sinəsinə uzadıb, titrəyən dodaqları ilə sözü ağzından çıxara bilmir. Gəlin onun nə istədiyini bildi, xatırladı. Tək qaldıqlarında bir neçə dəfə dilə gətirmişdi. Gəlin içəri otağa yüyürdü. Şifoneri açıb asılqandan köynəyi aldı, qadının yanına gəldi. Gücsüz əlləri köynəyə tərəf uzandı, amma almağa gücü yetmədi. Gəlin köynəyi qadının qoynuna qoydu. Bəlkə də ömrü boyu edəcəyi ən böyük savabı bu oldu.

# 2795 dəfə oxunub

Oxşar xəbərlər

Moris, ona de ki, mən azadam! - Aliyə Kərimzadə

Moris, ona de ki, mən azadam! - Aliyə Kərimzadə

13:15 28 aprel 2025
Sükutun çəkisi - Mehriban İbrahimbəyli

Sükutun çəkisi - Mehriban İbrahimbəyli

10:12 11 aprel 2025
İçimdəki fırtına - Bayram Soylunun hekayəsi

İçimdəki fırtına - Bayram Soylunun hekayəsi

09:55 24 fevral 2025
İnsanla təbiətin bəhsi - Vahab İsmayılzadə

İnsanla təbiətin bəhsi - Vahab İsmayılzadə

17:30 23 dekabr 2024
Təklikdə  ölməkdən qorxan adam - Feyruz Muradov

Təklikdə ölməkdən qorxan adam - Feyruz Muradov

15:18 9 dekabr 2024
Sabahdan sonra - Yeni hekayə

Sabahdan sonra - Yeni hekayə

13:17 3 dekabr 2024
# # #