Keşiş olmaq istəyirəm
İnsan iyi bilən, dərd dinləyən keşiş.
Kimdir sevən, kimdir qatil,
bic doğan, gic doğan,
tanınmayan tanışları
tanımaq istəyən keşiş.
maraq deyil mənimki.
insanlıq görmək tamahı,
göz yumulan insan ahı dadmaq istəyən,
sirr daşı olan keşiş.
demirəm əlac olacam,
demirəm başlara tac qoyacam,
yalan deyib, gözə girib,
əlimdəki son tikəmi verib ac qalacam.
sadə və sadəcə ürəyi yanan keşiş olacam
keşiş.
Kipriyini meşə bilib
hər ağacın arxasınsa dovşan kimi qısılmışam
gözlərində dəniz görüb tez çatmaqçün
gəmilərə yelkən olub asılmışam.
əllərini ,qollarını zindan bilib
qıfıllanıb, zəncirlənib sarılmışam.
hərdən olub sərt üzünü görüb səndən
incimişəm, darılmışam.
bəzən səni mənim bilib
xəyallara, xülyalara qapılmışam.
bu var yoxlar, bu get gəllər
quduzlaşıb boğazımdan yapışanda
parçalanıb savrulmuşam.
baş götürüb gedəndə də elə get ki,
sanmayım ki bu dünyada
lazımsızam atılmışam.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
