64-cü Nyu-York Film Festivalının proqramı açıqlandı

Kino

Ana səhifə
Kino

64-cü Nyu-York Film Festivalının proqramı açıqlandı

10 avqust 2026

16:30

64-cü Nyu-York Film Festivalının əsas proqramı açıqlanıb.

Kulis.az xəbər verir ki, festival komandası prestijli əsas seçməyə daxil edilən 32 filmi ictimaiyyətə elan edib.

Ceyms Qrey, Ava DüVerney və Toni Qilroy kimi tanınmış rejissorların yeni ekran işləri kino həvəskarlarına təqdim olunacaq.

Sentyabrın 25-dən oktyabrın 12-dək keçiriləcək festivalın açılışı Ceyms Qreyin rejissorluğu, Adam Drayver və Mayls Tellerin baş rolları ilə ərsəyə gələn "Paper Tiger" kriminal dramı ilə baş tutacaq.

Toni Qilroyun Pedro Paskalın çello ifaçısı obrazında yer aldığı "Behemoth!" filmi və Ava Dü Verneyin "14th" sənədli filmi festival çərçivəsində dünya premyerasını edəcək.

Festivalın bağlanış filmi olan "14th" ekran işi rejissorun məşhur "13th” sənədli filminin davamıdır.

Proqramda tanınmış rejissorların filmləri yer alan siyahı bu cürdür:

Pedro Almodovar -"Bitter Christmas”

Ryusuke Hamaqutçi - "All of a Sudden"

Endryu Heyq - "A Long Winter"

Radu Jude - "The Diary of a Chambermaid"

Li Çan-don - "Possible Love"

Mayk Li - "Tender Loving Care"

Pavel Pavlikovski - "Fatherland"

İra Saks - "The Man I Love"

Qeyd edək ki, festival çərçivəsində Takasi Yamazakinin "Godzilla Minus Zero" filminin də sentyabrın 26-da dünya premyerasının keçiriləcəyi bildirilib.