Döyüşlərdə keçdi mənim
Bildiyiniz otuz yaşım.
Dayanmadan hey işlədi
Xalqım üçün qəlbim, başım.
Bu il doldum otuz yaşa,
Sanmayınız qocalıram.
Gəncləşirəm gündən-günə,
Xalqımla bir ucalıram.
Şair xalqdan ayrı heçdir...
Yağsız çıraq yanmaz, sönər!
Quş nə qədər yüksək uçsa,
Dənçin yenə yerə enər.
Təbrik etdi bu gün səhər
Gülə-gülə Günəş məni.
Hər gün səhər pəncərəmdən
Görür üzü güləş məni.
Xatırladım bir-bir bütün
Əski əziz yoldaşları.
Sevin, cavan ömrüm, sevin,
Sənə yaddır göz yaşları.
Günlər bizim əlimizdə
Biliniz ki, mum kibidir;
Hər kəlməmiz topraklara
Basdırılmış tum kibidir.
Bizə yaxın düşməz aclıq,
Qorxu qorxub qaçar bizdən.
İl uzunu bizimlədir,
Ayrı düşməz bahar bizdən.
Gənc qalaram əgər mənim
Yüzdən artıq yaşım olsa;
Gələcəyin özülündə
Mənim də bir daşım olsa.
Mən xalqımın bayramında
Söz demişəm, saz çalmışam.
Mən boynuma alıram ki,
Az demişəm, az çalmışam.
Şeirimiz bir ordudur ki,
Yağı gəlməz ona sarı.
Deyirəm ki, mən olaydım
Şeirin hərbi komissarı!
Bu həyatı şənləndirmək
İşidir bir usta əlin;
Gündən-günə gəncləşirik,
Sayəsində Stalinin!
“Kommunist” qəzeti
28 aprel 1936-cı il
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Onun nə vaxt uydurduğunu, nə vaxt gerçəyi söylədiyini anlamaq olmur... - Sual soruşmağı kim yasaqlaya bilər ki?
17:20
10 fevral 2026
"Onun qəhrəmanları iyrənmədən yaşaya bilmirlər..." - Bernhardla Dostoyevskini nə birləşdirirdi?
13:00
9 fevral 2026
"Pulitser"dən imtina edən Nobel mükafatçısı - O, hekayələrini hansı yazıçıya satmışdı?
13:30
7 fevral 2026
"Bu toyun axırında gəlinin üzünün duvağı açılmır..." - Hüseynbala Mirələmov oxucu ilə niyə açıq söhbət edir?
12:00
7 fevral 2026
Günahı başqalarında axtarmaq ehtiyacı... - Mətanət Vahid
14:15
30 yanvar 2026
"Onun yaradıcılıq nümunələri sanki mətnin ortasında qurtarır..." - “Səksənincilər" layihəsindən Kamran İmranoğlunun essesi
10:00
30 yanvar 2026
