writer1

Kənan Hacı

Məqalə sayı

193
clock13:35 calendar-gray 23 Yanvar 2014 view-gray2439 dəfə oxunub
view-gray2439 dəfə oxunub

Bu şəhərin Allahı yoxdu...

Kənan Hacı yazır...

Növbəti yazılarımdan birini yazarkən qəfildən hiss etdim ki, artıq bu, yazı yazmaq deyil, beyni zorlamaqdır. Dəhşətli zehni yorğunluq məni bitirmək üzrədir.

Dünən gecə ölümlə əməlli-başlı çarpışırdım, üzümə ölümün həniri dəydi... Evə çatanda hiss etdim ki, daha bir addım da atmağa heyim qalmayıb. Bütün bədənim buza dönmüşdü, ayaqlarım tutulmuşdu, gördüm ki, boğuluram. Elə bildim iflic keçirirəm. Dünənəcən deyirdim ki, ölümdən qorxmuram. Amma dünən gecə əməllicə qorxdum. Əl-ayağım soyuyanda sonuncu ağlıma gələn fikir bu, oldu:

- Ölsəm, meyitimi hardan götürəcəklər?...

Sonra heç nə yadıma gəlmir...Bir vaxt ayıldım ki, başımın üstündə ağ xalatlı həkim dayanıb... Yazı masamın üstündə qalaqlanmış kitabları görüb başını bulayırdı:

- Ay kişi, bu qədər kitabı neynirsən? Kitablar otağının havasını ağırlaşdırır, at getsin. Sənə təmiz hava lazımdır.

Məni ən çox əsəbiləşdirən, sarsıdan, ümidlərimi üzən bir cümləni bu dəfə hayıma yetmiş həkim deyir. İstədim üstünə bozarıb deyəm ki, sənin nə borcuna qalıb, təzyiqimi ölçdün, iynəni vurdun, çıx get də. Amma dişimi dişimə sıxıb dözürəm. Həm də ki, dillənməyə heyim yoxdu, canımla əlləşirəm. Tibb bacısı çıxır, həkimsə gözləyir. Hörmət eləmək lazımdır. 10 qutu siqaretin pulu da həkimə getdi!..

Qonşu qadın otağa girir, ayaqlarımı, əllərimi ovxalamağı başlayır.

- Ay bala, doxtur düz deyir, bu kitabları sat getsin. Xəstə adamsan, nəyivə gərəkdi? Canıva yazığın gəlsin, bu qədər oxumaq, yazmaq olmaz. Gecə 3-də də evinin işığı yanır. Sənə dinclik lazımdır...

Bu adamlara kitabların mənim üçün nə demək olduğunu izah etmək artıqdır. Artıq nəyisə izah etməkdən yorulmuşam. Dinməzcə qadının üzünə baxıram, o elə bir ucdan hüdüləyir.

Qadın çıxıb gedəndən sonra yenə tək qalıram və düşünürəm: bu kitabların bircəsini də sata bilməyəcəm. Amma haçansa harasa gedəsi olsam, bu kitabları özümlə apara bilməyəcəm... Bu kitablar həyatda mənim üçün ən ağır yükə çevrilib. Yaşayış yerini tez-tez dəyişən adam üçün 3-4 min kitabı da özüylə daşımaq bilirsiniz nə deməkdi?! Son 3-4 ildə 5-6 ev dəyişmişəm və hara getmişəmsə, bu kitabları da sürüyüb özümlə aparmışam. Amma indi daha taqətim qalmayıb. Öz evini kürəyində daşıyan ilbizə dönmüşəm...

Bu şəhərin Allahı yoxdu!..

REKLAM

Yazarın digər yazıları

Xəbər lenti

Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021