news-inner
clock18:38 calendar-gray 18 İyun 2019 view-gray726 dəfə oxunub
view-gray726 dəfə oxunub

Sənsiz yanmış əski parçası kimiyəm – Yeni Şeirlər

Kulis.az Günay Səma Şirvanın şeirlərini təqdim edir.


***

Bu gün kədər elə özüməm.
Qollarım
ən doğma adamı sanıb dizlərimi -
ağuşum dizin-dizin.

Böyümədi...
Mənmi böyütməliydim çağa qəlbimi?

Uşaq ürəyim,
Ağlı yumşaq ürəyim...

Görəsən, Allah uşaq olubmu?
Görəsən, Allahın dərdi varmı?

Eh..
Allahın nə dərdinə
xalxın dərdi...

***

Gecə yenə
baş-başaydıq Tanrıyla...
Mən nəhrimdə dalğalandım,
O mərhəməti ilə dərdimə yandı...


"Qadın torpaq kimidir -
İşıqsız, susuz, qidasız qalar.
Qaranlıqdan
Günəş ummaq kimidir
Qidasız, sevgisiz qalmaq...
Gücüm çatsa,
Yağmurları könüllərdən,
Buludları göy üzündən,
Çarəsizliyi ümidlərdən
alardım" - pıçıldadıqca dodaqlarım,
Ətəyini kəsirdi Tanrı.

Yol vermə,
Yorğun həyatın girdabında çabalamağa...
Yağışında islanım,
Küləyində üşüyüm...
Qanımı əllərində buraxma...

...Göz yaşını silirdi Tanrı.

***

Atamı itirdiyimdə

anamdan başqa

heç kimi,

heç kimi sevmərəm - dedim.

"O" gəldiyində

"atadan-anadan yar şirin olur" -

fikirləşdim.

Uşaqlarım doğulduğunda

"bala dadı, bal dadı"

Uşaqmış ən böyük sevginin adı -

düşündüm.

Tıq-tıq-tıq...

- Oğlum, qapını aç,

Atan gəldi.

***

Mən “sevir - sevmir” deyə,

çobanyastığı edamı qurmadım heç...
Mənə görə,
çobanyastığı - sənin uğruna
nəinki ləçəyini,

yarpağını belə,
sevişə-sevişə ruzgarın qanadına buraxardı.

Teldən saza,
şeirdən bəstəyə,
qürbətdən qürbətə,
bir addım ayırır hamımızı.

Kədərli nəğmə kimiyəm.
Günəşə ağuşunu açan,
Yağmura ağlayanlar -
Xain qurşunları da sevməmiş deyil.

Çobanyastığı mövsümüdür yenə...
Qəlbim qəfəsinə sığmır.
Ürəyim quş sürüsü kimi havalanır.
Saçlarım leyləklərin qonub-qonub dalğalandırdığı

çinar ağacıdır - əllərinə həsrət.
Partlayan dodaqlarımda əcəlinə susayan baxış yeri....


Çobanyastığı mövsümüdür...
Qar üzümə vurur.

***

Yanmış əski parçası görmüsən? –

Qaralsa da,

bütöv görünür.

Kimsə,

nəsə toxunsa,

dağılıb

külə dönər.

Sənsiz,

mən də

yanmış

əski parçası kimiyəm.

Dəymə mənə, dəymə,

Qurbanın olum!

***

Füruğ Fərruxzadın xatirəsinə

Dağ çiyinlərində,

şəlalələnərdi

dalğalı saçlarım.

Unudulardı,

cadar torpaqların su dərdi.

Baxışlarımız

qadağa göstərən yol işarələri idi.

Radara düşmək təhlükəsindən

qaydaları gözləməyə çalışardı

əllərimiz.

Bənövşəli təpəliklər,

gilənar çiçəkli bağlar,

arxların üstü...

Uşaqlıq xatirələrimizi danışmaq

bəhanəsi ilə

aldadardıq saatı,

itirərdik zamanı.

Mənə çiçək bağışlardın –

özəl günlərimdə.

Yola səpdiyin gül ləçəkləri

görüş yerimizə

bələdçi olardı...

Duman aldı

tapındığım dağları.

Artıq,

şəlalələnmir dalğalı saçlarım.

Əslində,

qara-qıvrım saçlarım da yoxdur daha .

Rusiya Federasiyası

Voronej şəhəri

news-inner-user

19003 məqalə

Oxşar xəbərlər

Xəbər lenti

Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021
Qızını məcbur aborta göndərdi, 17 yaş kiçik aktyorla eşq yaşadı, övladı ilə eyni xəstəxanada can verdi – Xalq artistindən 10 inanılmaz fakt
12:17 11 İyun 2021