İyunun 12-də Azərbaycan Respublikasında İnsan Hüquqları Günü ərəfəsində Azərbaycan Dövlət Film Fondunda “İnsan Hüquqları Aylığı” çərçivəsində tədbir keçirilib.

Kulis.az xəbər verir ki, tədbir Azərbaycan Respublikasının İnsan Hüquqları üzrə Müvəkkili (Ombudsman) tərəfindən insan hüquq və azadlıqlarının müdafiəsi sahəsində həyata keçirilən tədbirlərin, ölkəmizin qoşulduğu beynəlxalq müqavilələrin, Dayanıqlı İnkişaf Məqsədlərinin, qüvvədə olan qanunvericilik aktlarının, eləcə də dövlət proqramları, strategiyalar, milli fəaliyyət planları, konsepsiyalar və digər strateji sənədlərin icrasının səmərəliliyinin artırılması məqsədilə elan olunmuş “İnsan Hüquqları Aylığı” çərçivəsində təşkil edilib.

Tədbiri giriş sözü ilə açan Dövlət Film Fondunun direktoru, Əməkdar incəsənət xadimi Cəmil Quliyev bildirib ki, 1998-ci ildə Ümummilli Lider Heydər Əliyev tərəfindən “İnsan hüquqlarının müdafiəsinə dair Dövlət Proqramı” təsdiq olunub. O qeyd edib ki, Azərbaycan Respublikasının Prezidenti İlham Əliyevin 18 iyun 2007-ci il tarixli Sərəncamı ilə iyunun 18-i Azərbaycan Respublikasında İnsan Hüquqları Günü elan edilib və bu əlamətdar gün hər il ölkədə geniş qeyd olunur.

Tədbirin sonunda kinorejissor Murad İbrahimbəyovun 2023-cü ildə C.Cabbarlı adına “Azərbaycanfilm” kinostudiyasında ərsəyə gətirdiyi “ANAMA” sənədli filmi nümayiş olunub. Film Azərbaycan Respublikasının Minatəmizləmə Agentliyinin (ANAMA) fəaliyyətinə həsr edilib. Ekran əsərində işğal dövründə və müharibədən sonrakı mərhələdə düşmən tərəfindən basdırılmış minaların partlaması nəticəsində çoxsaylı mülki şəxslərin həyatını itirməsi, ağır xəsarətlər alması, bunun isə insanların yaşamaq və sağlamlıq hüquqlarının pozulmasına səbəb olması diqqətə çatdırılır.

• Can Xue, Enn Karson, Cerald Murnane, Mirça Kertaresku, Enrike Vila-Matas, Kristina Rivera Qarsa... - Nobeli kim qazanacaq?
• Bob Dilan Papa XIV Leo ilə görüşdü - Səbəb
• “Zaman səyyahının arvadı” romanının müəllifinin yeni əsəri çap olundu