news-inner
clock09:00 calendar-gray 04 May 2019 view-gray1420 dəfə oxunub
view-gray1420 dəfə oxunub

Sevgilisindən ayrılandan sonra qatil oldu – Əsl Kino

Kulis.az “Əsl kino” layihəsində Liza Lanqsetin “Çox gözəl bir şeyə doğru” və Klod Şabrolun “Mərasim” filmlərini təqdim edir.

2010-cu ildə ekranlara çıxan “Çox gözəl bir şeyə doğru” filmi isveçli rejissor Liza Lanqsetin debüt tammetrajlı bədii filmidir. Rejissor ssenarini özünün pyesi əsasında yazıb.

Süjet: Filmin qəhrəmanı 20 yaşlı Katarinadır (Alisiya Vikander). Onun anası içki asılılığından əziyyət çəkir. Katarinanın özü isə məktəbi tam bitirməyib. Sevgilisi ilə birgə yaşayan gənc qızın problemlərindən dolayı psixoloji sorunları var, anası ilə münasibətləri pisdir, özü işləmir. Katarina özünü harda tapmalı, necə realizə etməli olduğunu bilmir. Bir gün o, təsadüfən Motsartın əsərini dinləyir. Və əsər ona elə güclü emosional təsir göstərir ki, gənc qızda həyatını dəyişmək istəyi oyanır. O, konsertə Motsartın “Rekviyem”ini dinləməyə gəlir. Sonra isə konsert zalında adminstrator işinə düzəlir. Burada Katarina orta yaşlı dirijor Adamla (Samuel Fröyler) tanış olur. Adam onu fəlsəfi kitablarla tanış edir, ona musiqinin dərinliyi haqda danışır. Tezliklə onlar arasında intim münasibətlər başlanır. Amma Katarinadan fərqli olaraq, Adam üçün bu münasibətlər ciddi deyil, üstəlik o, evlidir. O, Katarinadan ayrılır və onu işdən qovdurur. Ayrılığı, işdən qovulmasını ağır yaşayan, ona görə sevgilisindən ayrılan Katarina Adamı öldürür....

“Çox gözəl bir şeyə doğru” gənclik dramıdır. Qəhrəman yaşadığı cəmiyyətdə identifikasiya problemi yaşayır. Rejissor da əsasən gənc qızın toplumda özünü tapa bilmək, axtarışı, çətinliklərə dayana bilmək, müqavimət prosesinə fokuslanır. Bunun üçün o, qəhrəmanın düşdüyü çətin situasiyalarda davranışının psixoloji, mənəvi tərəfləri açmağa çalışır. Katarinanı bizə yaxşı anlatmaq, tamaşaçı ilə arasındakı emosional məsafəni qısaldıb doğmalaşdırmaq üçün qəhrəmanı daha çox kadrın mərkəzinə gətirir, reaksiyaları zamanı yaxın planlardan istifadə edir.

Adamla tanışlıq onun üçün yeniliyə, fərqli dünyaya açılan pəncərədir. Çağdaş istehlak dünyasında Katarina isə Adam üçün növbəti istehlak obyektindən başqa bir şey deyil. Katarina istifadə edilərək, əşya kimi kənara atılması ilə barışa bilmir. Adamın davranışı onun illərlə yığılmış qəzəbinin partlayış nöqtəsi olur. Onu öldürəndən sonra Katarina katarsis keçirir, anasına qayıdır, həyatını qaydaya salır və öz yerini tapır. Adam obrazını şərti, Katarinanın həyatı boyu aldığı, içində daşıdığı zədələrinin, ağrılarının ümumiləşmiş obrazı kimi də qəbul etmək olar. Ondan xilası Katarinanın həyatında dönüş nöqtəsi olur.

“Çox gözəl bir şeyə doğu” İsveç milli mükafatı - “Qızıl böcək”ə layiq görülüb.

***

Fransız rejissoru Klod Şabrolun 1995-ci ildə ekranlara çıxan “Mərasim” filmi Venesiya kinofestivalının əsas proqramında iştirak edib.

Süjet: Zəngin Lelyevrlər ailəsi xudmani imarətdə yaşayır. Evin sahibəsi Katrin (Jaklin Bisset) rəsm qalereyasının rəhbəridir. Onun öncəki nikahdan olan yeniyetmə oğlu Jil (Valnetin Marle) incəsənətlə maraqlanır. Əri Jerar (Jan Pyer Kassel) biznesmendir və onun opera eşqi var. Ərinin öncəki nikahdan olan qızı Melinda (Vircini Leduayen) universitetdə oxuyur və evə yalnız istirahət günləri gəlir. Katrin ev işlərində ona kömək etmək üçün Sofi (Sandrin Bonner) adlı qulluqçunu işə götürür. Sofi qapalıdır, az danışandır. O, qabyuyan maşından, televizorun pultundan istifadə etməyi, yazıb-oxumağı bacarmır və öz savadsızlığını gizlətməyə çalışır.

Sofi təsadüən poçtda işləyən Janna (İzabel Yupper) ilə tanış olur. Janna aqressiv, sırtıqdır, ədəb qaydalarını gözləmir. Onun davranışı Sofiyə də təsir göstərir. Janna özəlliklə də Lelyevrlər ailəsinə qarşı qəzəblidir. Sonra məlum olur ki, Janna vaxtiə 4 yaşlı qızının ölümünə bais olub. Amma məhkəmə bunu bədbəxt hadisə kimi qiymətləndirərək ona bəraət verib. Sofi isə şikəst atasını yanan evdən çıxarmayıb. Hətta ola bilsin ki, evi də özü yandırıb. Bu iki qadının yaxınlaşması Lelyevrlər ailəsinin qətli ilə nəticələnir...

Hiçkokun, Fritç Langın, Ernst Lyubiçin kinematoqrafiyasından təsirlənən Şabrol kriminal, psixoloji triller janrında özünün təkrarsız üslubunu yaradıb. Bir qayda olaraq burjuaziyanın intim dünyasını, onun simasında müasir ailə institutunun təbiətini, əxlaqını araşdıran Şabrol bu filmində sinfi münasibətləri qabardıb. Onun digər filmləri kimi bu ekran əsəri də sakit, hüzurlu ailə idilliyasının təsviri ilə başlayır. Əhvalatın gedişatında idillik təsvirlər tədricən, asta templə cinayətlə, iyrənc hadisələrlə yüklənməyə başlayır.

Rejssorun filmdə araşdırdığı motivlərdən biri - əzilən insanın içində gizlənən qəddarlığı, onun əzikliyindən doğan qəzəbinin, fürsət tapılan kimi qisasa, cinayətə çevrilə bilməsini göstərməkdir. Ona göstərilən mərhəmət, diqqət belə qəzəbini yumşaltmaq gücündə deyil. Rejissora görə, sinfi konflikt və komplekslərdə mədəni, kübar, intellektual burjuaziya katalizator rolunu oynayıb. Milsalçün, filmdəki bu epziod təsadüfi deyil - kilsənin xeyriyyəçilik təşəbbüsünə qoşulan Janna və Sofi ehtiyacı olanlara zənginlərin göndərdiyi nimdaş paltarları hikkəylə kənara tullayır. Müəllif bununla da zənginlərin istehlakın quluna çevrilməsini eyhamlaşdırır, sosial təbəqələşmədə daha çox onları şərik edir, sinfi konflikti Janna, Sofi – Lelyevrlər ailəsi çərçivəsindən çıxararaq, qlobal, sistem problemi olduğunu göstərir.

Ailə başçısı Jerarın klassik musiqiyə mübtəlalığı ilə yanındakı insanların ağırısını önəmsəməyib, amma klassik musiqidəki yüksək duyğulara, hisslərə heyran olan yüksək təbəqənin saxtalığını təsvir edir.

Oxşar xəbərlər

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021