Artur Konan Doylun ölümsüz əsəri "Şerlok Holms" pərəstişkarlarını sevindirməyə davam edir.
Kulis.az xəbər verir ki, bu dəfə diqqət mərkəzində dahi xəfiyyə yox, onun əzəli düşməni Professor Moriyarti olacaq.
Hələlik ilkin adı "Moriyarti" olan layihənin ssenari müəllifləri və yaradıcıları Kris Kornuell və Oliver Lanslidir. Müasir dövrə uyğunlaşdırılan yeni serialda Moriyarti Darem Universitetində kriminal psixologiya professoru, eyni zamanda böyük bir cinayət şəbəkəsinin gizli rəhbəri kimi qarşımıza çıxacaq.
Süjetə əsasən, onun yeraltı imperiyası rəqib bir təşkilat tərəfindən təhdid edildikdə Moriyarti gözlənilməz bir gediş edir: o, rəqiblərini çökdürtmək məqsədilə qanunlardan istifadə etmək üçün polis təşkilatına məsləhətçi kimi qatılır. Lakin çox keçmədən əsl təhlükənin tamamilə başqa yerdən gəldiyi məlum olacaq.
Hazırlıqları davam edən serialda Moriyartiyə soyuqqanlı Yorkşir detektivi İmocen Barrouz yoldaşlıq edəcək. Yeni layihə ilə bağlı digər detallar və bu əfsanəvi rolu kimin oynayacağı başda olmaqla, aktyor heyəti hələlik gizli saxlanılır.
Qeyd edək ki, Benedikt Kamberbetç və Martin Frimanın baş rolları paylaşdığı məşhur BBC istehsalı olan "Şerlok" serialında bu unudulmaz mənfi obrazı Endrü Skott canlandırmışdı. İllər ərzində bu rolu Ralf Fayns, Cared Harris və Erik Porter kimi ulduzlar canlandırıb.
Hazırda isə gənc aktyor Donal Finn yeni çəkilən "Gənc Şerlok" serialında bu obrazı oynamağa hazırlaşır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər