writer1

Mirmehdi Ağaoğlu

Məqalə sayı

559
clock13:40 calendar-gray 14 Sentyabr 2016 view-gray177 dəfə oxunub
view-gray177 dəfə oxunub

Ərini öldürən qadın harda haqlıdır?

Mirmehdi Ağaoğlu

Bizdə boşanma faciəvi hadisə hesab edilir. Cəmiyyət bunu normal qəbul edə bilmir. Ümumiyyətlə bizdə hadisələrə soyuq yanaşma olmur, ya hədsiz müsbət yanaşırıq, ya da hədsiz dərəcədə pis münasibət göstəririk.

İki insan evlənəndə onları elə alqışlayırıq, elə bəh-bəhlə qarşılayırıq, sanki hər evlənmə bu dünyada ilk evlənmə hadisəsidir. Hətta tez-tez belə bir ifadə də işlədirik: “Ömürdə bir dəfə olan şeydir”. Guya haradasa yazılıb ki, hər adam ömründə yalnız bir dəfə evlənə bilər.

Bax, bu kimi sözlərlə evliliyi sakrallaşdırırlar, bunun qarşılığında da boşanmaya böyük faciə kimi yanaşırlar.

Halbuki dünyada qayda belədir, bir-biri ilə yola getməyən insanlar çox rahatlıqla boşanırlar. Cəmiyyət də onların boşanmağını, sonra təzədən evlənməklərini normal qəbul edir.

Bizdə isə...

Təsəvvür edin ər-arvad yola getmir. İllərlə bu şəkildə ailə həyatını davam etdirirlər. Nəticədə kişinin də həyatı məhv olur, qadının da.

Əvvəla boşanmaqdan, həyata yenidən başlamaqdan çəkinirlər, ikincisi cəmiyyət də onların boşanmağını təbii hal kimi qəbul etmir. Üstəlik kişilər adətən boşanma zamanı özlərini daha aqressiv tərəf kimi göstərirlər. “Boşanmaq istəsən səni öldürərəm” kimi təpkilər verirlər. Hətta bəzi kişilər boşanandan sonra da həyat yoldaşının peşini buraxmır, nəticədə arzuolunmaz hallar baş verir. Dəfələrlə mətbuatdan bu cür cinayət hadisələri barədə oxumuşuq.

Belə tükürpədici cinayətlərdən biri isə ötən il sentyabr ayında baş vermişdi. Hazırda bu cinayət işinin məhkəməsi gedir.

Lalə Mahmudova adlı şəxs sevgilisi Sədi Məmmədovla birləşərək əri Kamran Mahmudovu amansızlıqla qətlə yetirib. Onlar Kamran Mahmudovu qətlə yetirdikdən sonra meyiti doğrayaraq torbalara qoyub aparıb İsmayıllıda basdırıblar.

Lalə adlı bu şəxs Sədi ilə uzun müddətdir sevgili imiş.

Lalə Məmmədova məhkəmədəki ifadəsində belə deyib: “Kamranı öldürməyimizə peşman deyiləm. Lakin cinayətin üstünün açılmasına görə peşmanam. Kamran vaxtında boşanmağa qoymadı. O məni ölümlə, uşaqlarımı göstərməyəcəyimlə şantaj etdi. Boşanmadıq, axırı da bu...”

Dəhşətdir. Belə amansız cinayət törədəsən, sonra da peşman olmadığını bildirəsən. Adamın tükləri biz-biz olur. Bu hadisəni təsəvvür etmək belə adamı üşəndirir, amma gör ki, bunu edən şəxs peşman olmadığını söyləyir.

Lalə Məmmədova ifadəsində əri ilə neçə ildir yola getmədiyini, lap çoxdan boşanmaq istədiyini, hətta ərinin ondan şübhələndiyini vurğulayıb.

Bu hallara baxmayaraq mərhum həyat yoldaşı onunla boşanmağa razı olmayıb. Hətta təhdid edirmiş, həyat yoldaşını ölümlə hədələyirmiş, halbuki özü ölümlə üzləşdi. Ərinin ona göstərdiyi münasibət, laqeyd davranışı, boşanmaq istəməməsi o qadını bu cür amansız olmağa vadar edib. Halbuki vaxtında qadını ilə boşansaydı bu cür faciəvi hadisə də yaşanmazdı.

Əlbəttə, Lalə Mahmudovanın əməlinə heç cür haqq qazandırmaq olmaz, bu cür qəddarlığı yalnız insanlıqdan çıxan şəxs törədə bilərdi.

Di gəl ki, Lalənin ifadəsini eşitməməzlikdən gəlməmək gərək. Onun ifadəsində təkcə bir cinayətkarın hissləri deyil, bu cür problemlərlə rastlaşan minlərlə Azərbaycan qadının hissləri, ağrıları, sözünü deyə bilməməyi, barama kimi öz dərdinin içində büzüşüb məhv olmağı var.

İki nəfər birlikdə yaşaya bilmirsə, bunun bircə yolu var-boşanmaq. Əks halda cür cinayətlərlə hələ çox qarşılaşacağıq.

REKLAM

Yazarın digər yazıları

Xəbər lenti

Mahatma Qandinin aforizmləri
21:02 03 İyul 2020
Haqverdiyevlə bağlı film hazırlanır
18:30 03 İyul 2020
Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020