"Top Gear" şousunun əfsanəvi aparıcısı Ceremi Klarkson onda xərçəng xəstəliyinin aşkarlandığını açıqlayıb.
Kulis.az xəbər verir ki, bu barədə Böyük Britaniyanın "Daily Mail" nəşri məlumat yayıb.
Klarkson ağır xəstəliyi barədə "Klarksonun ferması" şousunun yeni buraxılışında həmkarları Kaleb Kuper və Çarli Ayrlanda danışıb. O, diaqnozunu may ayından bəri gizlətdiyini etiraf edib. Teleaparıcı xərçəng şişinin bədəninin hansı nahiyəsində olduğunu isə dəqiqləşdirməyib və bunun heç kimə aidiyyəti olmadığını sərt şəkildə bildirib.
Məşhur şoumen xəstəliyin gedişatı barədə bunları deyib:
"May ayında müayinədən keçmişdim, xatırlayırsan? Keçən həftə yoxa çıxdım, mənə biopsiya etdilər. Bu, xərçəngdir, özü də ən ağır növüdür. Amma çox erkən mərhələdədir, ona görə də müalicəsi olacaq, yəqin ki, məni başa düşürsən".
Klarksonun sözlərinə görə, onu cərrahi əməliyyat gözləyir və bu səbəbdən müvəqqəti olaraq iş fəaliyyətini dayandırmalı olacaq. Teleaparıcı bu vəziyyətdən heç də məmnun olmadığını, lakin başqa çıxış yolunun qalmadığını qeyd edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər