Bu il Əməkdar kollektiv Səid Rüstəmov adına Xalq Çalğı Alətləri Orkestrinin yaranmasının 95 ili tamam olur. Yubiley ili çərçivəsində Beynəlxalq Muğam Mərkəzində orkestrin konsert proqramı təqdim olunub.
Kulis.az xəbər verir ki, konsertə Prezident mükafatçısı Mustafa Aşurov rəhbərlik edib.
Proqramda respublika və beynəlxalq müsabiqələr laureatları, tanınmış sənətkarlar-Nurlana Abdullayeva, Vəfa Vəzirova, Elnarə Xəlilova, Riyad Eyvazov, Günay İmamverdiyeva, Şaiq Əsədov, Nərmin Mirzəyeva, Abid Çələbiyev, Nisbət Sədrayeva, Kamal Nuriyev, Məmməd Nəcəfov və Bəxtiyar Quliyev yer alıblar. Onların ifasında Azərbaycan bəstəkarlarının sevilən əsərləri və xalq musiqisinin inciləri səsləndirilib.
Konsert Azərbaycan xalq musiqi sənətinin ən gözəl nümunələrindən sayılan “Ay qadası” xalq mahnısının instrumental ifası ilə yekunlaşıb.
Bu cür tədbirlər tamaşaçılarda milli-mədəni dəyərlərə marağın artırılmasında və musiqi zövqünün formalaşdırılmasında mühüm rol oynayır. Xalq çalğı alətləri orkestrinin ifasında səslənən xalq mahnıları, muğamlar və bəstəkar əsərləri dinləyicilərə Azərbaycan musiqi irsinin zənginliyini və özünəməxsus xüsusiyyətlərini daha yaxından tanımaq imkanı yaradır. Belə konsertlər xüsusilə gənc nəslin milli mədəniyyətə bağlılığını gücləndirir, onlarda xalqın tarixi-mənəvi dəyərlərinə hörmət hissini formalaşdırır, eyni zamanda xalq çalğı alətlərinin təbliğinə və yaşadılmasına xidmət edir.
Nəticədə bu kimi tədbirlər Azərbaycan musiqi sənətinin inkişafına, xalq çalğı alətləri ifaçılıq ənənələrinin yaşadılmasına və ölkəmizin musiqi mədəniyyətinin beynəlxalq səviyyədə tanıdılmasına da mühüm töhfə verir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
