Britni Spirs və Dua Lipa kimi dünya ulduzlarının mahnılarının müəllifi, Talay Rayli Londonda hücuma məruz qalaraq öldürülüb.
Kulis.az xəbər verir ki, bu barədə "Sky News" telekanalı məlumat yayıb.
Məlumata görə, 35 yaşlı mahnı müəllifi iyunun 5-i səhər saat 09:00 radələrində Şərqi Londondakı bağlardan birində çoxsaylı bıçaq xəsarətləri ilə qan içində tapılıb. Tibb işçilərinin cəhdlərinə baxmayaraq, onun həyatını xilas etmək mümkün olmayıb. Hadisə zamanı xəsarət alan daha bir nəfər isə xəstəxanaya yerləşdirilib, həkimlər onun vəziyyətinin həyatı üçün təhlükə yaratmadığını bildiriblər.
Polis hücumda şübhəli bilinən üç nəfəri saxlayıb. Onlardan biri girov müqabilində sərbəst buraxılıb, digər iki nəfər (bir kişi və bir qadın) isə sonradan hər hansı ittiham irəli sürülmədən azad ediliblər.
O, "Skepta", Aşer (Usher) və Trey Sonqz (Trey Songz) kimi məşhur sənətçilərlə birlikdə Böyük Britaniya və ABŞ-də qastrol səfərlərində iştirak edib. İggi Azaliya və Kreyq Devid kimi ulduzlar üçün hit mahnılar bəstələyib. R&B ifaçısı "H.E.R." üçün yazdığı "Lights On" mahnısına görə dünyanın ən nüfuzlu musiqi mükafatı olan "Qremmi"yə layiq görülüb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər