Türkiyəli müğənni Rafet El Roman tənqidlərə məruz qalıb.
Xəbər verir ki, ölkəsində dəhşətli meşə yanğınlarının tüğyan etdiyi bir vaxtda müğənninin Azərbaycandakı rəqsi birmənalı qarşılanmayıb.
Rafet El Roman Azərbaycanda qonaq olduğu bir toyda mahnı oxuyub və rəqs edib. Amma qısa zamanda onun sosial şəbəkələrdə yayılan görüntüləri müzakirələrə səbəb olub. Pərəstişkarları müğənninin bu addımını kəskin şəkildə qınayıblar.
Sənətçinin qatıldığı məclisin sahibinin azərbaycanlı iş adamı olduğu deyilir./yenisabah.com/
