Türk kinosunun əfsənavi aktyorları Zəki Alasya və Mətin Akpınarın məşhur "Hasip ile Nasip" filmi "Greenart Qrup" və prodüser Vəhdət Ərdoğanın imzası ilə müasir versiyada 2026-cı ildə kinoteatrlarda nümayiş olunmağa hazırlaşır.
Kulis.az xəbər verir ki, baş rolları canlandıracaq yeni aktyorların müəyyənləşdirilməsi üçün son dərəcə məxfi və diqqətli bir proses həyata keçirilir.
Səbirsizliklə gözlənilən əsas aktyor heyətinin isə iyun ayı ərzində rəsmi olaraq ictimaiyyətə açıqlanacağı gözlənilir.
Daha əvvəl kino sektorunda böyük uğur qazanan "Nasipse Olur", "C Takımı" seriyası, "Sil Baştan Kaynanam", "Veda Partisi", "Oflu Hoca 6" və "Sevince" kimi kassa gəlirli populyar layihələrə imza atan prodüser Vəhdət Ərdoğan yeni ekran işi barədə bu fikirləri səsləndirib:
"Türk kinosunun tamaşaçısı ilə bağını gücləndirəcək layihələr ərsəyə gətirməyə davam edirik. "Hasip ile Nasip" bizim üçün sadəcə bir film deyil, türk kinosunun ən dəyərli miraslarından biridir. Avqust ayında çəkilişlərə başlamağı hədəfləyirik. Zəki Alasya və Mətin Akpınarın qoyduğu böyük mirasın dərk edirik. Bu səbəbdən aktyor seçimində son dərəcə həssas davranır, obrazların ruhunu yaşada biləcək isimlərlə danışıqlarımızı davam etdiririk".
