"Oskar" mükafatçısı Şon Penn bir daha heç kimlə selfi çəkdirməyəcəyini açıqlayıb.
Kulis.az xəbər verir ki, məşhur aktyorun fikirlərini "Le Figaro" nəşri yayıb.
Aktyor selfi mədəniyyəti haqqında deyib:
"İnsanlar heç vaxt heç kimlə selfi çəkdirməməlidir. Bu, hamı üçün pisdir. Bu, sanki bir xoradır. Mən hətta soyqırımdan sağ çıxmış nənəyə və onun əlil arabasındakı altı yaşlı nəvəsinə də rədd cavabı verəcəyəm".
Penn etiraf edib ki, Mona Liza kimi sadəcə foto obyektinə çevrilmək istəmir. Aktyor həmçinin kütləvi tədbirlərdən daim qaçdığını, çünki izdihamın onda həmişə sosial narahatlıq və diskomfort hissi yaratdığını bildirib.
Qeyd edək ki, aktyor Amerika Kino Akademiyasının 98-ci mükafatlandırma mərasimində karyerasında üçüncü dəfə bu nüfuzlu mükafata layiq görülüb. O, "Döyüş ardınca döyüş" filmində canlandırdığı ən yaxşı ikinci dərəcəli rola görə "Oskar" qazanıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
