Günay Novruz
“Mən Xocalı”
Mənim adım “Xocalı”-dı,
Azərilərin yurduyam Mən.
Bir ovuc torpağam,
Bir içim su,
Dörd tərəfi dağam.
Tarixin üzük qaşıyam,
Ululara baş daşıyam.
Mən bilgilərin mənbəyi,
Xocayam, xocalıyam.
Xan qalasıyam,
Əsgəran adında...
- Qarabağın öz balasıyam
Azərbaycan torpağında.
Qocalar məni dadmış,
Min nemətin özüyəm mən,
Ağız dadı getməmiş,
Hələ də söhbət, sözəm mən.
Onların xoş günlərinin şahidiyəm...
- Mən Xocalı,
Körpü, Körpü, yol, yol qalan
Tarixiyəm mən Xocalı.
İndi havalarda gəzib...
- uçur dəmir qanadlarım.
Mənim olan bu torpağın,
Hər qarışı yenə mənim.
Mən əkmişəm,
Mən biçmişəm,
Mən tikmişəm...
dəbdəbəni
Sahibiyəm Mən Xocalı.
