Balaca Zəhraya yazılan Ən Gözəl Şeir

Balaca Zəhraya yazılan Ən Gözəl Şeir
4 iyul 2018
# 12:55

Zəhra Quliyeva 2016-cı ildə Füzuli rayonunun Alxanlı kəndində Elnur və Təhminə Quliyevlərin ailəsində doğulmuşdu. 2017-ci ilin bu günü - iyulun 4-də Ermənistan silahlı qüvvələrinin minaatan və qumbaraatanları tərəfindən nənəsi Sahibə Quliyeva ilə birgə qətlə yetirildi.

Bu gün təkcə Azərbaycanı deyil, bütün eşidənləri və bilənləri sarsıdan bu faciəvi hadisənin ildönümdür.

Kulis.az bu münasibətlə gənc şair Mehman Rəsulun balaca Zəhraya yazdığı şeiri təqdim edir.

Leyləyin gətirdiyi,

Bayquşun apardığı

Qarğaların saçımdan

İl-il dən qopardığı

Həyatın uşağıyam.

Mən elə bilirdim ki

Silahlar oyuncaqdı,

Güllələri boş olur

Uşaqlıq paltarları

Ancaq tərdən yaş olur.

Mən elə bilirdim ki

Qan ancaq dizdən axır.

Məzar da bağça kimi

Axşamlar uşaqları

Evlərinə buraxır.

Mən elə bilirdim ki

Basdırılmaq oyundu,

Hərədə bir quyu var

Bu da mənim quyumdu.

Daha belə olmasın

Böyüməsin uşaqlar.

Uşaqlar böyüyəndə

Oyuncaqlar soyuyur,

Uşaqlar böyüyəndə

Adamlarla oynuyur.

Al bu güllə sənindi

Üstü bir az qan olub.

Giliziyçün darıxıb

Atılmaqdan yorulub.

Ana, narahat olma

Torpaq dolub yarama,

İçimdəki güllənin

Salamı var atama.

# 1636 dəfə oxunub

Oxşar xəbərlər

Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
#
#
# # #