Kulis.az “Bazar oxusu” layihəsindən Şaiq Vəlinin “Meyxanəçi” adlı təsəvvüf şeirini təqdim edir.

Sərxoş gəlmişəm qapına,

Aç, aç, meyxanəçi!

• "Bir xalqı çökdürmək üçün..." - Əli bəy Abbas Səhhəti niyə tənqid edirdi?
• Ağadadaş Ağayev kimdir?
• "Noa" qəbiləsinin qadınları - Fəridənin hekayəsi

Aşiqlər sənə tapınar…

Keç, keç, meyxanəçi!

Olubmu öldüyün sənin?

Dərddən güldüyün sənin?…

Elə hey xaç bildiyin sənin

Hac, Hac, meyxanəçi!

Aranı dağa daşımısanmı?

Solunu sağa daşımısanmı?

Özünü uzağa daşımısanmı? –

Köç, köç, meyxanəçi!

Baxma naşı-naşı mənə,

Mey gətir – söz daşı mənə.

Könlün varsa qoşul mənə,

Uç, uç, meyxanəçi!

Cahil əllərində aşiq başları –

Minarə kərpici, qüllə daşları…

İçib ayılır eşq sərxoşları…

İç, iç, meyxanəçi!

Mən bu çağın nəyiylə yarışım?

Mən bu torpağın nəyiylə qarışım?!

Mən bu dünyanın nəyiylə barışım? –

Puç, puç, meyxanəçi!

• "Bir xalqı çökdürmək üçün..." - Əli bəy Abbas Səhhəti niyə tənqid edirdi?
• Ağadadaş Ağayev kimdir?
• "Noa" qəbiləsinin qadınları - Fəridənin hekayəsi