İspaniya polisi 1930-cu ildən bəri itkin düşən XVII əsrə aid iki rəsm əsərini tapıb.
Kulis.az xəbər verir ki, bu barədə İspaniyanın "abc.es" nəşri məlumat yayıb.
Məlumata görə, tarixi sənət əsərləri Sevilya arxiyepiskopluğuna məxsus olub. Tablolar onilliklər sonra ilk dəfə hərraca çıxarılmağa cəhd edilərkən polis tərəfindən aşkar edilib. Tədqiqatlar nəticəsində onların xüsusiyyətlərinin 1930-cu ildə itirilmiş XVII əsr Sevilya rəssamı Lukas Valdesin əsərləri ilə tam üst-üstə düşdüyü məlum olub.
Tapılan sənət əsərləri oval formalı şam ağacı lövhəsi üzərində yağlı boya ilə çəkilmiş və İncil səhnələrini təsvir edən iki tablodan ibarətdir. Vaxtilə bu rəsmlər "Hospital de los Venerables" kilsəsinin əsas qurbangahının dekorasiyasının tərkib hissəsi olub. Lakin keçirilən sərgilərin birindən sonra əsərlər geri qaytarılmayıb və onların izi onilliklər boyu tamamilə itib.
Hazırda mütəxəssislər tərəfindən rəsmlərin orijinallığı təsdiqlənib. Əsərlər saxlanılmaq üçün yenidən Sevilya arxiyepiskopluğuna təhvil verilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər