news-inner
clock12:16 calendar-gray 18 Dekabr 2020 view-gray24417 dəfə oxunub
view-gray24417 dəfə oxunub

Əsirlikdən qayıdan Vəliəhədin Lənkərandakı qəbrində uyuyan şəhid

Müharibədə belə hadisələr tez-tez olur; səhv qəbirdə basdırılan şəhidlər, boş şəhid tabutları, sağkən qəbri qazılan qazilər...

Müharibə elə hadisədir ki, dramaturgiyası, atmosferi, yaratdığı situasiya və detalları ilə filmi ötür.

Film həyatın sıxlaşdırılmış və sürətləndirilmiş halıdır, deyirlər.

Müharibə də həyat deyil, həyatın gilizə pərçimlənmiş, preslənmiş barıt halıdır; qorxulu, həyəcanlı, iti...

Əminəm ki, heç bir müharibə filmi müharibənin özündən daha dramatik, həyəcanlı olmur. Həyatda neçə belə hadisə saya bilərik?

İki ay əvvəl Lənkəranda “dəfn olunan” Vəliəhəd Vəliyev erməni əsirliyindən azad olunaraq vətənə gətirildi.

Varmı belə kino?

Yaxud belə bir film çəkilsə, inanarsınızmı?

Hər kəs “Hind filmi”dir deyib keçər.

Amma müharibə bəzə Hindistan rejissorlarından da fantastik səhnə yarada bilir.

Görən Vəliəhəd doğma rayonuna qayıdanda öz “məzarını” ziyarət edəcəkmi?

Bu necə hissdir, ilahi?

Görən, onun anası, atası, əzizləri bu xəbəri eşidəndə nə edib?

Vəliəhəd vətənə dönən kimi hər kəsin beynində bu sual yarandı: bəs onun qəbrində dəfn olunan kimdir?

Müharibənin yaratdığı amansız, ürəkparçalayan bu olay bizə həm də bir neçə mesaj verir: bütün şəhidlər və onların qəbirləri eynidir.

Yeganə statusdur ki, əlavə fərqlənmə nişanı yoxdur, generalından əsgərinə qədər Allah qatında hamısı eyni mərtəbədə qərar tutur. Ona görə, onun yerində basdırılan əsgərin kimliyi bizi nə qədər narahat edirsə, verdiyi mesaj da bir o qədər düşündürür.

Demək, ümid elə bir şey imiş ki, basdırılanda da ölmür, toxum kimi cücərir. Əlinlə qəbrə qoyduğun övladın bir gün hava limanında səmadan enir.

Vəliəhədin qəbri bütün şəhid məzarlarının, bütün şəhidlərin eyni olduğunu o qədər diri şəkildə bizə andırdı ki, indən belə həm də şəhid olan oğulların daha çox “çayxana uşaqları”, “dindarlar”, “filan rayonun uşaqları” olduğunu deyənlərin arqumentləri bitdi.

Həqiqətən də müharibə insanların elə hallarını üzə çıxarır ki, o simalar 100 il sülh dövründə təcəlla etməzdi; illərlə qaradinməz, adamayovuşmaz biri sinəsini sənin qarşına sipər edib gözlərini yumur...

Hər an pislik gözlədiyin biri səni belinə götürüb saatlarla harasa aparır, tükənən qanını kəsir, hər kəs özündən deyəndə susan sısqa biri göz qırpımında qalaya dırmaşıb köksündə gəzdirdiyi bayrağı ora sancır...

İlahi, nəymiş bu müharibə?!

Şəhidlər hamısı eyni cür can verir, son nəfəsindən barıt, torpaq, qan qoxusu gəlir. Vəliəhədin qəbri həm də bir yaddaş quyusu kimi bizi bu həqiqəti anlamaq üçün başına toplayır.

Vəliəhədin qəbri müharibənin amansız silahları qabağında bədəni param-parça olmuş bütün şəhidlərimizin məzarıdır.

Bəlkə də “Naməlum əsgər” abidəsi kimi başqa məzarlarda uyuyan əsgərlərə də bir abidə ucaldılmalıdır.

Bəlkə də elə Vəliəhədin məzarı həmin abidədir.

news-inner-user
Sərdar Amin

118 məqalə

Oxşar xəbərlər

Xəbər lenti

Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021
Tanınmış aktyor vəfat etdi
09:29 19 Aprel 2021
Şövkət Ələkbərovanın gəlini: “KQB” ərinin intiharından danışmağı ona qadağan eləmişdi” - Müsahibə
08:58 19 Aprel 2021
Eldar Quliyev dəfn olunub - Foto
15:43 18 Aprel 2021
Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021