writer1

Günel Mövlud

Məqalə sayı

26
clock08:00 calendar-gray 14 Sentyabr 2012 view-gray1117 dəfə oxunub
view-gray1117 dəfə oxunub

Qatar, Seymur, Russo...

Bir neçə gün əvvəl bir gürcü qızı, bir doktor və Seymur Baycanla Tiflisdən Bakıya qayıdırdıq. Biz–iki yorğun və kədərli yazıçı Gürcüstandan Azərbaycana, yaydan payıza, kilsələrdən məscidlərə, doğmalardan ögeylərə, sevgidən sevgisizliyə keçirdik.

Kupedə Doktor emosional və məntiq təfəkkürlü insanlar barədə elmi məqalə yazır, gürcü qızı millətçiliyinə salıb Gürcüstanın görkəmli şəxsləri barədə kitab oxuyurdu.

Seymurunsa başı Jan Jak Russonun «Etiraf» memuar-kitabına qarışmışdı. Mən də Oldinqtonun «Qəhrəmanın ölümü» romanını bitirməyə çalışırdım. Bu romanı Həmid Herisçi Seymur Baycana, Seymur isə mənə tərifləmişdi.

Bir müdətdən sonra kitabı qatlayıb qırağa qoydum və Seymurdan xahiş elədim ki, Russonun başını buraxsın.

Russo, kitab sonra da olacaqdı. Amma biz bəlkə də heç vaxt birlikdə qatarda yol getməyəcəkdik.

On il əvvəli xatırladıq. O vaxt biz çox idik. Bəzilərimiz tələbə, bəzilərimiz işsiz idi.

Mətbuata çətinliklə çıxırdıq. Çox az qəzetlər çox nadir hallarda bizə bir səhifə, ya da səhifədə yer ayırırdı. Yaşlı yazarlar yazdıqlarımıza gülür, özümüzə qəzəblənirdilər. «Bunlar bir dəstə avara adamdı» deyirdilər.

«Avara»lıqla iş bitmirdi. «Əxlaqsız», «tərbiyəsiz», «lümpen», «erməni», «qoluboy», «lesbiyan», «xalq düşməni» deyirdilər. «Briqada Roza» kimi yaşadığımızı deyirdilər.

İqtidara da, müxalifətə də yaxın olanlar, ən əsası isə xalq bizə nifrət eləyirdi.

Bütün bunlara qarşı təkcə sözlə mübarizə aparırdıq. Yalın əllə. Tapdığımız bir qəzet küncündə yazmaqla. Qarşımıza çıxan hər işıqlı gənclə söhbət eləməklə. Kitab oxumaqla.

Bu bir dəstə avara, əxlaqsız, erməni, xalq düşməni hamının probleminə çevrildi – Anarın, xalqın, ağsaqqal-ağbirçəyin, iki sətir yazmamış «ədəbi ağsaqqallar»ın yedəyində özünə rahat yer eləyən gənclərin, tezbazar pula, rahatlığa satılanların, qaramatın, böyük pulların, böyük məqsədlərin.

Bizim heç nəyimiz yox idi. Bir-birimizdən başqa.

İndi aradan on il keçib. Yenə də bizə nifrət eləyirlər. Biz yenə də «avara», «əxlaqsız», «tərbiyəsiz», «lümpen», «xalq düşməni»yik.

Amma indi ictimai sektor var. İşıqlı, mübariz, müasir, savadlı gənclər var. Sözün əsl mənasında, gənclik necə olmalıdısa, o cür gənclik var.

Bizsə indi o vaxt olduğumuzdan bir az daha məşhuruq.

Amma indi sayımız çox azdı...

REKLAM

Yazarın digər yazıları

Xəbər lenti

Şəhriyar del Geraninin şeirinə mahnı bəstələndi - Video
14:21 20 Aprel 2021
Kamal Abdullaya hücum edən herostratlar - Niyazi Mehdi yazır...
13:30 20 Aprel 2021
Tağıyev haqda film Britaniyada yer tutdu
12:47 20 Aprel 2021
Hər kəsin ürəyinə dağ çəkən həkim: Müəmmalı ölümündən iki saat əvvəl canlı yayımda idi...
12:01 20 Aprel 2021
İstərdim məni şillələsin...
11:20 20 Aprel 2021
Taksi sürücüsünün telefonunda mənə göstərdiyi şəkil – Günel yazır...
10:39 20 Aprel 2021
Sosial ağrıya çevrilən ölüm - İradə Musayeva yazır
10:01 20 Aprel 2021
Tanınmış musiqiçi vəfat etdi
09:35 20 Aprel 2021
Əli Əmirlidən yeni hekayə: Mələk əmi
09:00 20 Aprel 2021
Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur Baycan
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021