Amerikalı aktyor və rejissor Kevin Speysi tanınmış jurnalist Kseniya Sobçaka verdiyi müsahibədə son illər "Oskar" mükafatının siyasiləşdirilməsi ilə bağlı səsləndirilən iddialarla qətiyyən razılaşmadığını bildirib.
Kulis.az xəbər verir ki, o bu məsələyə tamamilə fərqli prizmadan yanaşdığını vurğulayıb.
Speysi qeyd edib ki, "Oskar" ətrafında yaranan mübahisələr əslində, onun təsis edildiyi ilk gündən mövcuddur. Onun fikrincə, bu nüfuzlu mükafatla bağlı cərəyan edən münaqişələr və davamlı müzakirələr heç də yeni bir hal deyil.
Aktyor "Oskar"ı tənqid edənlərin kimliyinə diqqət çəkərək müsahibəsində bu fikirləri səsləndirib:
"Gəlin görək, ümumiyyətlə, kimlər mübahisə edir? Mənim sualım tamam başqadır. Martin Skorseze mübahisə edir? Yoxsa Kventin Tarantino? Yoxsa bunu sadəcə internetdəki şərhçilər və əyləncə nəşrlərinin jurnalistləri edirlər? Sizə yalnız bir şeyi tam səmimiyyətlə deyə bilərəm: mən Akademiyanın (Amerika Kino Sənəti və Elmləri Akademiyası - red.) üzvü olmağımla fəxr edirəm".
Speysinin sözlərinə görə, şəxsi zövqünə və baxışlarına əsasən, bəzən hansısa konkret filmlər və ya kiminsə aktyor oyunu şəxsən onun da xoşuna gəlməyə bilər. Lakin sənətçi xüsusilə vurğulayıb ki, istənilən halda namizədlər sırasında yer almaq və həmkarları tərəfindən bu cür tanınaraq rəğbət görmək onun üçün çox xoş və qürurvericidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər