writer1

Könül Cəfərli

Məqalə sayı

71
clock12:31 calendar-gray 14 May 2018 view-gray475 dəfə oxunub
view-gray475 dəfə oxunub

Fahişələrimizi ərəblərə qısqanan “qeyrətlilər”

Könül Cəfərli

Sosial şəbəkədə ərəb turistlərin bizim qızlarla intim sövdələşməyinə dair video qarşıma çıxdı. Gözdən iraq, tənha yerdə deyil, çox adamın var-gəl etdiyi mərkəzi küçələrin birində çəkilmişdi. Əvvəl qız ha çalışsa da müştərisini başa sala bilmədi. Sonra kənardan daha 2 fahişə yardıma gəldi, sınıq-sökük ingilis cümlələri ilə bir təhər anlaşma baş tutdu. “Cinsi” alver uzaqdan aydın eşidilirdi. Nə isə, sözüm onların “ticarət”i deyil. Bütün dövrlərdə və cəmiyyətlərdə fahişələr olub, olacaq da.

Mənim diqqətimi videonun altında yazılmış rəylər cəlb etdi. Həmvətənlərimiz qızları fahişə olduqlarına görə deyil, məhz ərəblərə “xidmət” göstərdikləri üçün qınayır, söyürdülər. Rəylərdən birini abıra salıb, təqdim edirəm: “Kül başımıza, ərəb gəlib bizim qızlarla min oyundan çıxır. Qeyrətimiz hardadır?”

200-dən çox izləyici videoya fikir bildirmişdi. Hamısı da müştərilərin ərəb olmasından hiddətlənirdi. Qəribədir, deyilmi? Bu qızlar onsuz da əxlaqsızlıqla məşğuldur, çörəkləri bədənlərini satmaqla çıxır. Onlar üçün müştərinin kimliyi, milli mənsubiyyəti, şəxsiyyətinin nə önəmi var? Ümumiyyətlə, bunların fahişə üçün əhəmiyyət olmalıdırmı? Bədənini hərraca çıxaran qadına görə pul ödəyən hər kəs onun müştərisidir, istər yerli kişi olsun, istərsə də ərəb. Əməl və nəticə eynidirsə, şəxsin əcnəbi olmağı nəyi dəyişir ki? Guya ki, özünüz pul verib bədənini satın alanda ayıb olmur? Yaxud da “klient”in ərəb olması daha böyük əxlaqsızlıqdır?

Yox, cənablar, yanılırsınız. Burada problem və hədəf fahişəlikdir. Fərq etməz, pulu kim ödəyir. Qadın bədənini satışa çıxardığı ilk andan ləyaqətini itirir. Ona görə narahat olmayın, həmin qadınlarda ərəbin kirləndirəcəyi namus onsuz da qalmayıb. Boş yerə qonaqlara söyməyin, o qızlar gündəlik işini görür, pulunu qazanır, üstəlik turist sizdən çox ödəyir.

Yolumun üstündə bir avtobus dayanacağı var. Hava qaralan kimi fahişələrlə dolu olur. Onların əlindən dayanacağa yaxın düşə bilmirik, yan-yörəsi “alver” qaynayır. Özü də qulağımız eşidə-eşidə açıq şəkildə sövdələşirlər. Ərəblərlə yox ha, yerli kişilərlə. “Atamın goru 30 manatdan 1 qəpik də aşağı olmaz”-deyən xalanı artıq üzdən tanıyırıq, gündüzlər də o tərəflərdə fırlanır.

Dediyim odur ki, belə namuspərəstsinizsə, heç özünüz də həmin qadınlara yaxın getməyin, o qızların satdığını ərəblərdən əvvəl siz almayın. Necə bir ərəbin yanında görmək qeyrətinizi incidir, özünüz də maşına mindirməyin, namusunuz götürməsin.

Həm də fahişəlik təktərəfli fəaliyyət deyil. Çirklənən yalnız qadınların əxlaqı deyil, siz də bulaşırsınız. Bədəni satın almaq satmaqla bir mahiyyətdədir. Əməl olaraq, hər ikisi eyni günah və əxlaqsızlıqdır. Bunu bizim qızlara nə ərəb etsin, nə də siz!

REKLAM

Yazarın digər yazıları

Xəbər lenti

Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021