writer1

Ayxan Ayvaz

Məqalə sayı

529
clock12:32 calendar-gray 17 Oktyabr 2016 view-gray474 dəfə oxunub
view-gray474 dəfə oxunub

Azərbaycanın Bob Dilanı

Zaman o zaman idi ki, Gənc Ədiblər deyilən bir məktəb fəaliyyət göstərirdi və o məktəbdə yaradıcı adamlar cəmləşmişdi. Onda biz çox gənc idik, təzə-təzə yazmağa başlamışdıq.

Günlərin bir günü replərini dinlədiyimiz Qaraqan gəldi bu məktəbə. HOST o vaxt yenicə dəbə düşmüşdü, gənclərin bu qrupa marağı artmışdı. Qara geyimləri, fərqli fikirləri, azad bir mühiti vardı HOST-un. Maraq mənə güc gəldi ki, ilahi, Qaraqan bəlkə bu məktəbdə bizim eynimizi açmaq üçün gəlib, rep oxuyub kefimizi duruldacaq və biz sakit beyinlə daha yaxşı yazılar yazacağıq.

Ancaq sən demə, məsələ başqa imiş. Qaraqan da bədbəxt olurmuş, sən demə. Bədbəxt deyəndə ağlınıza ayrı şey gəlməsin. Yazmağı deyirəm. Gül kimi rep oxumaq, qızların könlünü bu sahədə daha peşəkarcasına ovlamaq varkən, niyə qabağına klaviatura qoyub yazasan ki? Mən olsam, qətiyyən belə etməzdim, çünki iki işi bir yerdə görəcək qədər çevik deyiləm.

Qaraqan isə bunun öhdəsindən gəldi. Ard-arda hekayələr, məktəbdə fəallıq. Və sonda Milli Kitab Mükafatında qalib. “A” romanı birinci seçilmişdi. O vaxt Qaraqanın ilk romanını ilk qələm təcrübəsi kimi bəyənmiş və yazı da yazmışdım. Qaraqanın “A” ilə bu qədər uğur qazanacağını isə təxmin etməmişdik. Gənc ağlı...

Deyə bilərsiniz ki, HOST, rep oxumaq da Qaraqanın işinə yaradı. Haqlısınız. Buna deyəcək sözüm yox. Özü də Qaraqan kifayət qədər mütaliəli, savadlı bir gəncdir. Replərində verdiyi mesajlardan bunu duymamaq həssaslıqdan bir milyon kilometr uzaq düşmək deməkdir.

Gəldik çatdıq 2016-cı ilə. Qaraqan indi Amerikadadır. Son romanından xəbərim oldu, ancaq oxumadım. Ümumiyyətlə, “A” romanından sonra Qaraqanı oxuya bilmədim. Mənə hər şey məlum idi. Dənizin duzlu olduğunu bilmək üçün ondan bir damcı dadmaq bəs edir. Son romanının satış qiyməti narazılıq doğurmuşdu. Heç bilmirəm romanın adı da nəydi. Hər halda Qaraqan yazıbsa, deməli kütləni mütləq cəlb edəcək.

Yadıma düşür, Qaraqan Milli Kitab Mükafatından sonra bir müsahibə vermişdi. Həmin müsahibədən sonra Qaraqana sayğım birə on qalxdı. Sitat: “Mən ciddi ədəbiyyatla məşğul olmuram”.

İndi isə Nobel Mükafatı qalibi açıqladı: əfsanəvi rok ifaçısı Bob Dilan. Amerika şeirinə yeni poetik ifadələr gətirdiyinə görə İsveç Akademiyası bu əjdahanı layiq görüb. Bob Dilanın şeirlərini oxuyun: necə də bəşəridir. The Beatles qrupundan sonra həqiqətən də ikinci yada düşən addır.

Qaraqan və Bob Dilan. Azərbaycanda ədəbiyyat mükafatı bir reperin olur, dünyanın diqqətində olan Nobelin qalibi də rok ifaçısı.

Bob Dilan əfsanədir. Buna heç kim qarşı çıxa bilməz. Qaraqan da istedadlı, gözəl rep deməyi bacaran qardaşımızdır.

Onlarla işimiz yoxdur. Ancaq doğurdan ədəbiyyat mükafatına əlinə mikrofon alıb mahnı oxumayan birini tapmaq çətin idi? Bax burda beynim error verir.

Bizim ədəbiyyata verdiyimiz qiymət Nobellə üst-üstə düşdü. Və bəlkə də ilk dəfə dünya biz deyəni dedi: istedad hərtərəflidir. Nə olsun ki, reperdir? Rok ifaçısı olanda nə olar? Əsas MƏTN-dir, qalanı boş söhbətdir.

REKLAM

Yazarın digər yazıları

Xəbər lenti

Bir şairi öldürdülər – Günün Şeiri
11:00 22 İyun 2021
Anarın hekayəsi Monteneqronun populyar saytlarında
10:30 22 İyun 2021
Tanınmış şair vəfat etdi
09:56 22 İyun 2021
Azərbaycanlı yazıçıdan lezbiyan haqda hekayə: Mən səni həmişə sevəcəm
09:01 22 İyun 2021
Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021
Mədəniyyə nazirliyi yeni müsabiqə elan etdi
18:22 21 İyun 2021
Məşhur aktyor dünyasını dəyişdi
17:43 21 İyun 2021
Kitab yandıran qonşu qadın – 13 yaşlı Selcanın hekayəsi
17:11 21 İyun 2021
Nizami Gəncəvi yaradıcılığı Ukrayna radiosunda
15:39 21 İyun 2021
Şair, yazıçı, müğənni, bəstəkar…
14:49 21 İyun 2021
Fulya Öztürk: “Film təklifinə çox təəccübləndim” – Video
14:01 21 İyun 2021
Qarbaçovu üzünə söydü, özündən xeyli cavan xanımla evləndi, qızı ona görə intihar etmək istədi – Dövlət katibimizin faciəvi sonu
14:01 21 İyun 2021
“Dünyanın sülh kitabı”nda azərbaycanlı yazıçı da yer aldı
13:35 21 İyun 2021
Dədə Süleyman: "Ayıb olmasın deyə, atam adımı dəyişdi" - Müsahibə
12:52 21 İyun 2021
El Romanın imza günü keçiriləcək
12:49 21 İyun 2021
Fulyadan film çəkən rejissor: “Mənim belə bir öhdəliyim yoxdur” – Müsahibə
12:11 21 İyun 2021
Vahidin bu şeirinin bir misrasını başqa şair yazdı – İlginc fakt
11:30 21 İyun 2021
Aysel Əlizadə yazarlara çağırış etdi: “Bu təklifimə qoşulun”
11:01 21 İyun 2021
Fulya Öztürkdən film çəkilsinmi?
10:22 21 İyun 2021