"Apple TV" meksikalı tanınmış rejissor Alfonso Kuaronsun yeni qorxu serialı "Ascension" üçün rəsmi təsdiq verib.
Kulis.az xəbər verir ki, Adam Nevillin "Son günlər" romanı əsasında ərsəyə gələcək layihədə baş rolu Qaytrizona Balf canlandıracaq.
Serial öz həyatındakı problemləri həll etməkdə çətinlik çəkən, boşanmış sənədli film rejissoru Rouzun hekayəsindən bəhs edir.
O, gizli 20-ci əsr təriqəti haqqında layihə üzərində işləyərkən gözlənilmədən bu təriqətin qaranlıq və dəhşətli həqiqətləri ilə üz-üzə qalır.
Alfonso Kuaron serialın ssenarisini qardaşı Karlos Kuaron (Carlos Cuarón), "Relic" filminin rejissoru Natali Erika Ceyms (Natalie Erika James) və Kristian Uayt (Christian White) ilə birlikdə qələmə alıb.
Natali Erika Ceyms, həmçinin ekran işinin baş rejissoru və şouranneri kimi çıxış edəcək.
"Yoxluqdan gələnlər" və "Qravitasiya" kimi məşhur filmlərin rejissoru Alfonso Kuaronun bu layihə ilə televiziya dünyasında mövqeyini daha da möhkəmləndirəcəyi təxmin edilir.
Qeyd edək ki, serialın nümayiş tarixi haqqında hələlik dəqiq məlumat verilməyib.
Tanınmış rejissorun yeni layihəsi açıqlandı
Oxşar xəbərlər
Əvəz Zeynallı vəfat etdi
13:40
28 sentyabr 2026
"Vətən" deyə çağırardı atam məni... - Türkün böyük qızı Qənirəyə
13:30
28 sentyabr 2026
Firəngiz Əlizadə: "Yaşlı və ziyalı insanlara hörmət etmək lazımdır!"
13:00
28 sentyabr 2026
Alban-Udi dini icmasının nümayəndələri Xudavəng monastır kompleksində
12:45
28 sentyabr 2026
Madonna 7 mükafat qazandı, Taylor Svift tarix yazdı – "MTV VMA 2026" qalibləri
12:30
28 sentyabr 2026
Cəbrayıl Dövlətzadə kim idi? - 19 yaşında şəhid olan əsgərin həyatı və son döyüşü
12:00
28 sentyabr 2026