Türk kinosunun əfsanəvi ekran işlərindən sayılan "Bizim Ailə" filmi çəkilişlərindən yarım əsr ötdükdən sonra serial formatında tamaşaçıların qarşısına çıxmağa hazırlaşır.
Kulis.az xəbər verir ki, "Hababam Sınıfı", "Mavi Boncuk", "Neşeli günlər", "Gülən gözler" və "Ailə Şərəfi" kimi unudulmaz filmlərin istehsalçısı olan "Arzu Film" kinostudiyası məşhur layihəni 50 illiyi münasibətilə televiziya serialı kimi yenidən ərsəyə gətirmək qərarı alıb.
İlkin olaraq 1975-ci ildə nümayiş olunan "Bizim Ailə" filmi Münir Özkul, Adile Naşit, Tarık Akan, Şener Şen, Ayşen Gruda, Itır Esen və Halit Akçatepe kimi Türk kinosunun əfsanəvi adlarını bir araya gətirmişdi.
Yenilənmiş layihə orijinal hekayənin ruhunu qorumaqla yanaşı, müasir dövrün ailə dinamikasını və konfliktlərini ekrana gətirəcək.
"Arzu Film" kinostudiyasından bildirilib ki, tamaşaçıların zorakılıq və qaranlıq süjetlərdən yorulduğu bu dövrdə insanların yenidən eyni süfrə ətrafında toplaşa biləcəyi səmimi ailə hekayələrinə böyük ehtiyac var.
Yeni "Bizim Aile" serialı keçmişin mirasına hörmətlə yanaşaraq bugünkü ailələrin həyatını və həmrəyliyini işıqlandıracaq.
Qeyd edək ki, serialın rejissoru, ssenaristi və nümayiş olunacağı kanal kimi texniki təfərrüatların yaxın vaxtlarda açıqlanacağı gözlənilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
