news-inner
clock09:30 calendar-gray 18 İyul 2015 view-gray297 dəfə oxunub
view-gray297 dəfə oxunub

Ştativlə qadınları öldürən operator – QALMAQALLI FİLMLƏR

Kulis.az “Ən qalmaqallı filmlər” layihəsində britaniyalı rejissor Maykl Pauellin “Gizli müşahidəçi” filmini təqdim edir.

60-dan çox filmin müəllifi olan Maykl Pauell 1905-ci ildə fermer ailəsində doğulub. O, gəncliyində kino sənətinə vurulur. Hətta kinoya görə bankdakı işini də atır. Və çəkiliş meydanında əldə ayaqda işləyir, yemək, qəhvə, daşıyır. Sonra isə triller janrının ustalarından biri Alfred Hiçkokun ilk filmlərininin ssenarisini yazmaqda ona yardım edir.

1930-cu illərdən başlayaq isə müstəqil şəkildə azbüdcəli trillerlər və komediyalar çəkməyə başlayır.

Pauell ssenairst Emerik Pressburgerlə tanış olur və şəxsi keyfiyyərlərinə görə bir-birinə tamamilə əks olan bu iki adam anlayır ki, kino sənətinə eyni baxışı paylaşırlar.

Bu əməkdaşlıq sayəsində 19 film ekranlaşdırıldı. Onlardan çoxu Britaniya kinosunun klassiki sayılır: “Təyyarlərimizdən biri qayıtmadı”, “Polkovnik Blimpin həyatı və ölümü”, “Ölüm və həyat məsələsi”, “Qara narsist”, “Qırmızı başmaqlar” və s.

1956-cı ildə bu əməkdaşlıq sona yetir.

1960-cı ildə Pauell dövrünün novator filmi sayılan, böyük qalmaqallarla üzləşən, manyak qatildən bəhs edən “Gizli müşahidəçi” (1960) psixoloji trillerini çəkir. Bu isə faktiki olaraq onun kinodakı karyerasına son qoyur.

Süjeti: Filmin qəhrəmanı Mark kinooperator köməkçisidir. Mark kinokamerası ilə modelləri, fahişələri, aktrisaları lentə alır. O, kameranı qadınların üzlərinə yaxınlaşdıranda onların sifəti qorxudan dəhşətli vəziyyət alır. Bu anda Mark qəfildən ştativin iti ucları ilə qadınları qətlə yetirir və bu prosesi lentə alır. Sonra isə o, cinayət yerində araşdırma edən polislərin fəaliyyətini çəkir.

Onun qorxu hissini tədqiq eləməsi uşaqlıq travmaları ilə bağlıdır. Alim atası qorxu hissini araşdırmaq üçün kiçik oğlunu eksperimentlərinin obyekti edir, onun həyatının az qala hər anını lentə köçürür.

Günlərin birində o, qonşusu Helenə aşiq olur. Mark tədricən hiss edir ki, sevdiyi qadını da qurbanına çevirə bilər. Hadisələr daha təhlükəli xarakter almağa başlayr...

Filmə konservativ ingilislərin münaisbəti kəskin oldu. Senzura nəticəsində çılpaq qadın təsvirləri filmdən yığışdırıldı, bundan başqa qətl hadisələrinin əks olunduğu kadrlar qısaldıldı.

Həmvətənləri Britnaiya kinosunun canlı klassiklərindən sayılan rejissora bu cür qəddar səhnələri, açıq-saçıq kadrları bağışlaya bilmədi. Üstəlik, ikinci qurban roluna onların sevimlisi, elə Pauellin lentə aldığı “Qırmızı başmaqlar” musiqili filmindən sonra məşhurlaşan balerina Moyra Şireri çəkməsi də onları qıcıqlandırdı.

Bu səbəbdən rejissorun Britaniyada kinokaryerası sona çatdı, şirkətlər onun layihələrini maliyyələşdirməkdən imtina etdilər. Rejissor ölkədən kənarda – Amerikada, Avstraliyada çalışmağa məcbur oldu.

Baş rolun ifaçısı Karlhayns Byomun karyerası da iflasa uğradı. Tamaşaçılar onu “Sissi” filmindən imperator Frans İosif roluna görə sevmişdilər. Ona görə onun manyak qatil obrazını həzm edə bilmirdilər.

Amma illər keçəndən sonra “Gizli müşahidəçi” ən yaxşı trillerlərdən biri sayıldı.

“Gizli müşahidəçi” psixoloji cəhətdən mürəkkəb filmdir. İlk baxışda bu ekran əsəri ata ilə oğul arasındakı freydist münasibətlərin təsviri kimi görünür. Amma tənqidçilərə görə bu, ümumiyyətlə insanların vuayerizm hərisilyi haqdadır. Əslində, qaranlıq zalda qəhrəmanların həyatını izləyən tamaşaçı da vuayeristdir.

Mark qorxu filmlərinin maliyyələşdirən prodüser şirkətlərinin rəhbərlərinə, rejissorlara alleqoriyadır. Çünki dəhşət filmərində də rejissorlar günahsız adamları qətlə yetirir, tamaşaçının şüurunu manipulyasiya edirlər. Bu cür kino isə həm də məhvedicidir.

Rejissor eyni zamanda cəmiyyətdə skopofiliya (müşahidə etməyi sevmək) kimi psixi patalogiyaları araşdırır. Məsələn, kadrlardan birində centlemenlər dükandan gizli şəkildə pornoqrafik şəkillər, jurnallar alır.

Seksual patalogiyanın və zorakılığın açıq nümayişinə görə film bəzi Avropa ölkələrində qadağan olundu.

Pauellin filmlərinin Frensis Ford Koppolanın və Martin Skorsezinin yaradıcılığına böyük təsiri olub.

Konkret olaraq “Gizli müşahidəçi” M.Antonioninin “Fotoböyütmə”, Brayan de Palmanın “Qətl üçün qiyafət” filmlərinə təsir edib.

Britaniya Kino İnstitutunun 100 ən yaxşı Britaniya filmləri siyahısında Pauellin 5 filmi var.

Oxşar xəbərlər

Xəbər lenti

Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021