Kulis.az şairə Səhər Əhmədin yeni şeirini təqdim edir.

***

Yorğun bazar günü,

• ARKA-nın dəstəklədiyi film "İlin ən yaxşısı" seçildi
• "Gülnisə kimi günahkar, əlləri ölümə bulaşmış ananın qızı olmaq..." - Samirə Əşrəf
• Qadağan olunmuş layihə: Bakıxanovun məktəb planı nəyə görə gizlədildi?

Sabah nazlı-nazlı oyanar,

Mətbəxdə təzə payız qoxusu,

Səhər yeməyində yağışlar.

***

Odladım xatirələri

Ürəyimin atəşində.

İndi rahat və xoşbəxtəm,

Bircə qoxuları xatırlayıram

Mövsümlər dəyişəndə.

***

Gözəl, yağışlı bir gün,

Acı-acı düşündüm.

Yağışlardan doymayıb,

Dünyadan köçənləri.

***

Gecənin qoynunda

Yağış səsitək

Ən köhnə nəğmədi-həyat,

ən gerçək.

***

Sonbahar sərgisinin

Xəzəllər rəsminin önündə.

Utanır küknar ağacı,

Öz nimdaş geyimindən.

***

Hələ pəncərəmdə yağış,

qapımda külək.

Axır sevdim səni,

Eh gidi fələk.

• ARKA-nın dəstəklədiyi film "İlin ən yaxşısı" seçildi
• "Gülnisə kimi günahkar, əlləri ölümə bulaşmış ananın qızı olmaq..." - Samirə Əşrəf
• Qadağan olunmuş layihə: Bakıxanovun məktəb planı nəyə görə gizlədildi?