Tomson Reuters Fondunun “TrustLaw” araşdırmasında beş qitə üzrə qadın-kişi bərabərliyi mövzusunda 213 mütəxəssisdən dəyərləndirmə alınıb. Dəyərləndirmə cinsi zorakılıq, qeyri-cinsi zorakılıq, mədəni və dini faktorlar, sağlamlıq, insan qaçaqçılığı mövzusunda olub.
Ailədaxili zorakılıq, iqtisadi ayrı-seçkilik, qadın sünnəti, təcavüz kimi kriteriyalarda aparılan araşdırmalarda məlum olub ki, qadınlar üçün ən təhlükəli ölkə Əfqanıstandır.
Siyahının ilk beş ölkə arasında Konqo, Pakistan, Hindistan və Somali var.
Əfqanıstan: iqtisadi azadlıqlar yoxdur!
Əfqanıstan altı kateqoriyadan üçündə - sağlamlıq, qeyri-cinsi zorakılıq, iqtisadi azadlıqların olmaması ilə ən təhlükəli ölkə olaraq göstərilib. Ölkə doğuş zamanı ölümlər, tibbi müayinə imkanlarının zəifliyi və iqtisadi sahədə heç bir haqlarının olmaması ilə birinci yeri tutur.
Konqo: zorakılıq!
1998-2003-cü ildəki müharibənin mənfi təsirlərinin və insani fəlakətin hökm sürdüyü Konqo Demokratik Respublikasında qanunsuzluq yüksək həddədir. Ölkədəki cinsi zorakılıq həddi böyük olduğundan bura “Dünyanın təcavüz paytaxtı” da deyilir. Belə ki, Konqoda ildə 400 minə qədər qadın təcavüzə məruz qalır.
Pakistan: namus cinayətləri
Mədəni və dini qanunların hökmran olduğu tayfaların qadınlara etdiyi cinayətlər arasında: uşaq yaşlarında və ya zorla evləndirilmə, cinsi və qeyri-cinsi zorakılıqlar, daş-qalaq edilmə və digər fiziki cəzalar var. Ölkədə ildə 1000-ə yaxın qadın namus cinayətlərinin qurbanı olur.
Hindistan: qız uşaqlarına ölüm
Hindistanda qız uşaqlarının ana bətnində öldürülməsi, digər uşaq cinayətləri, insan qaçaqçılığı çox yayılıb. Araşdırmalara görə, ildə 50 milyon qız ana bətnində və ya doğuşdan sonra öldürülür.
Somali: ən təhlükəli şey hamiləlikdir
Somalidə qadınlar arasında doğuş vaxtı ölümlər, təcavüz və qadın sünnəti ilə yanaşı iqtisadi, sağlamlıq və təhsil hüquqlarının olmaması çox yayılıb. Ölkə nazirlərindən olan Meryan Kasım Somalidə bir qadının qarşılaşa biləcəyi ən təhlükəli şeyin hamiləlik olduğunu deyib. Çoxlu sayda qadınlar doğuşdan əvvəl və sonra həkim müayinəsinin olmaması səbəbindən dünyasını dəyişir. Hamilə qalan qadınların yaşama mümkünlüyü 50%-dir. Nazir Kasım təcavüzü ölkə “gündəlik hadisə” olaraq qiymətləndirərək hər qadının sünnət olunduğunu da anladıb.
Günel ƏSGƏRZADƏ
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Qal, sənə qurban" xalq mahnısıdır, yoxsa... - TARİXÇƏ
17:00
20 oktyabr 2026
Atın boynu əriyir, fəhlələr yox olur... - 33 yaşında faciəvi şəkildə ölən dahinin sirri
18:40
19 oktyabr 2026
"Daşlaramı dəydi, sındı əhdimiz?" – Faiq Ağayevin klipindəki gizli mesaj nə idi?
14:00
19 oktyabr 2026
Xeyir-şər mübarizəsində ilahi zəfər - "Müqəddəs Mikayıl mələkləri cəhənnəmə tullayır"
12:00
18 oktyabr 2026
"Fikrindən gecələr yata bilmirəm..." - Məşhur "Ayrılıq" necə yarandı?
17:30
16 oktyabr 2026
Ölüm sığınacağına çevrilən sərv ağacları - Dünyanı sarsıdan tablonun pərdəarxası
16:30
16 oktyabr 2026
Ana səhifə
Reels
Yazarlar
Xəbərlər