“Anı Xərabələri” kimi tarixə düşmüş bu ərazi Türkiyənin Şərqi Anadolu hissəsində Ermənistanla sərhəddə yerləşir. Bu qədim şəhəri Ermənistandan Arpaçay ayırır. Arpaçayın bu tərəfində bir neçə imperiya görmüş, uğrunda ordular baş kəsib qan tökmüş Anı şəhərinin xarabalıqları və bu xarabalıqda keçmişin izlərini axtaran turistlər gəzişirsə, çayın o biri tərəfində daş karyeri və qonşu ölkənin daş kəsən fəhlələri gözə dəyir.
Anı xərabələri Qərblə Şərqi birləşdirən ticarət xətti – İpək Yolu üzərində yerləşdiyi üçün X əsrdə bu şəhərin əhalisi 100 minə yaxın olmuşdur. Anı şəhəri xronoloji ardıcıllıqla erməni hakim ailəsi Qamsaraqan, Baqration, Abbasilər xəlifəliyi, Bizans İmperiyası, Səlcuqların hakimiyyəti altında olmuşdur.
1319-cu ildə Anı zəlzələdən ciddi zərər görmüş və daha sonra Monqolların yürüşü zamanı Teymur tərəfindən qarət edilib yandırılmışdı. Buna baxmayaraq 1535-ci ilə Osmanlı-Səfəvi müharibəsinə qədər bu şəhərdə qeyri-müəyyən sayda əhali yaşamışdı. Məhz bu müharibədən sonra şəhər tamamilə tərk edilmişdir.
Şəhər tarixi abidələrə zəngindir. Bu tarixi abidələr əsasən Bizans dövrünə aiddir. Belə ki, həmin dövrə aid şəhərdə bir kafedral kilisə və çox sayda kiçik kilsə qalıqları var.
1878-1918-ci illər Çar Rusiyası idarəçiliyində olarkən Anı şəhərində dövrün məşhur şərqşünası Nikolay Marrın idarəçiliyi altında geniş arxeoloji tədqiqat işləri aparılmış və orda bir muzey qurulmuşdur. Türkiyə Respublikasının qurulduğundan sonra bir neçə dəfə Anı şəhərində arxeoloji qazıntılar aparılmış və yenidənqurma işləri görülmüşdür.
Fotolar 2009-cu ildə çəkilmişdir.
Abbas Atilay
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Sardanapalın ölümü, Dantenin qayığı və azadlıq barrikadası... - Ejen Delakruanın məşhur əsərləri
16:40
13 avqust 2026
Fransız operasının parlaq imzası - Onu niyə “qadın ruhunun musiqiçisi” adlandırırdılar?
14:50
13 avqust 2026
15 yaşında ilk mükafatını qazanan Xalq artistimiz - Hansı ölkənin şahzadəsi ona elçi düşmüşdü?
12:00
13 avqust 2026
Həyat yoldaşına tablolar həsr edən sənətkar - Çarlz Blekmanın məşhur əsərləri
16:50
12 avqust 2026
Pabın qaranlığından səhnənin zirvəsinə... - Məşhur "Sultans of Swing" necə yarandı?
14:25
12 avqust 2026
"Bu möhtəşəm günlərin qanlı köpükdən başqa bir şey olmadığını bilirdim..." - Tomas Mannın "Almaniyaya məktub"u
12:00
12 avqust 2026
