Bakıda I Qarabağ müharibəsindən bəhs edən ilk savaş romanı işıq üzü görüb. Tanınmış müəllif Elçin Arifoğlunun “Sonuncu ay işığı” romanı “Maraqlı” Kitab Evinin oxuculara təqdim etdiyi ilk layihədir.
Kəskin və maraqlı süjetə malik olan roman Qarabağ müharibəsində itkin düşən 3 gəncin – iki dost və onların hər ikisinin sevdiyi bir qızın tükürpədən taleyindən bəhs edir. Müharibənin içində bir məhəbbət üçbucağı…
Müharibənin amansızlığı, ölümü, çirki-çirkabı içində bu məhəbbətin yaşamaq şansı varmı? Yaxınları, dostları, qohumları üçün itgin düşmüş sayılan bu üç gənc Yer üzündə cəhənnəmin təcəssümünə çevrilən gizli bir əsir düşərgəsinə necə gedib çıxırlar? Burada onların başına nələr gəlir? İnsanı dəli olmaq həddinə çatdıran dəhşətləri yaşadıqdan sonra sağ qalan oğlanlardan birini hamının ürəyinin partlayıb ölə biləcəyi məqamlarda da belə yaşamağa və dözməyə nə məcbur edir? O niyə dözür, o niyə ölmür?...
«…Rovşən avtomatı qaldırıb Arzunu nişan aldı. – Öldürüm?.. – səsi titrədi. – Hə. – Arzu dedi, – Yaşada bilmədin, öldür. – Hə… yaşada bilmədım… – Rovşən təsdiq elədi. – Gərək əvvəldən öldürərdin məni! Əvvəldən! Lap əvvəldən!.. Gərək ayırmazdın məni Orxandan!.. Elə bil Orxanın səsini yenidən eşitdi Rövşən – “Gedin xoşbəxt olun!..” İndi Orxanın ruhu bu mağaradaydımı? Görürdümü nələr baş verir?! Rövşən elə bil hiss elədi, duydu ki, Orxan hardasa, buralardan baxır ona. Gözlərini qırpmadan baxır. Həsrətlə gözləyir ki, Arzunu haçan öldürəcək o. Arzuynan yenidən qovuşmağın həsrətini yaşayır indi Orxan. Görən heç olmasa Orxan – Orxanın ruhu başa düşürdümü onu?.. – Öldür! – Arzu irəli yeridi. – Qurban olum, öldür! İndicə girəcəklər içəri. Tez ol!.. Rövşən gözlərini yumub titrəyən barmağını yavaş-yavaş çəkdi…»
Romanın müəllifi Elçin Arifoğlu 90-cı illərdə və 2000-ci illərin əvvəllərində ölkə qəzetlərində kriminal və döyüş romanları ilə çıxış edirdi. Oxucular arasında böyük populyarlıq qazanan bu müəllif 10 ilə yaxın idi ki, “susmuşdu”.
“Sonuncu ay işığı romanı”nı şəhərin bütün kitab mağazalarından, metro çıxışlarından və əl yayımından əldə etmək mümkün olacaq. Kitabın qiyməti 4 manatdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi
17:00
9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri
12:00
8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə
10:00
7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?
16:00
6 fevral 2026
