Gələcəkdə Azərbaycanda internet media dövlət tərəfindən dəstəklənə bilər. Trend-in məlumatına görə, bunu çərşənbə axşamı jurnalistlərə Prezident Administrasiyasının (PA) ictimai-siyasi məsələlər şöbəsinin müdir müavini Ərəstun Mehdiyev deyib.
Onun sözlərinə görə, internet medianın dövlətdən yardım almaq məsələsi bu günki qanunvericilikdə yoxdur.
"Amma bu günki dinamik inkişaf şəraitində heç nə istisna olunmur. Yəqin gələcəkdə bu məsələlərə baxılanda, qanunvericilik bazasının formalaşması prosesində internet medianın dövlət tərəfindən dəstəklənməsi məsələsinə diqqət yetiriləcək", - PA rəsmisi qeyd edib.
O əlavə edib ki, bu gün internet medianın tənzimlənməsi ilə bağlı müzakirələr çox aktualdır. Bu gün infomasiya-kommunikasiya texnologiyaları sürətlə inkişaf etdiyi üçün bu məsələlərə də göstərilən diqqət çox yüksəkdir.
Mehdiyev bildirib ki, gələcəkdə internet media üstünlük təşkil edəcək. Buna görə də bu sahə üzrə müzakirələr aparmaq lazımdır. Onun sözlərinə görə, beynəlxalq təcrübəyə və bizim cəmiyyətin maraqlarına uyğun qərarların qəbul olunması labüddür.
Mehdiyev deyib ki, bu gün Azərbaycanda "Kütləvi informasiya vasitələri haqqında" qanun beynəlxalq təşkilatlarla sıx əməkdaşlıq şəraitində hazırlanıb və qəbul olunub.
O qeyd edib ki, bu gün ekspertlərin də qiymətləndirdiyi kimi, bu qanun Avropada KİV haqqında ən liberal qanunlardan biridir. "Azərbaycanda da dövlət siyasətinin əsas prioritet istiqaməti ondan ibarətdir ki, söz və mətbuat azadlığının tam bərqərar olmasına, KİV-lərin azad, müstəqil fəaliyyət göstərməsinə, plüarist medianın mövcudluğuna hərtərəfli şərait yaradılsın. Bu baxımdan düşünmürəm ki, gələcəkdə Azərbaycanda KİV-lərin fəaliyyəti ilə bağlı hər hansı məhdudlaşdırma ola bilər. Əksinə, KİV-lərə dövlət tərəfindən maddi və iqtisadi dəstək göstərilir",- Mehdiyev əlavə edib.
Anspress.com
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi
17:00
9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri
12:00
8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə
10:00
7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?
16:00
6 fevral 2026
