”Azdrama” səhnəsində Viktor Hüqo

Sənət

Ana səhifə
Sənət

”Azdrama” səhnəsində Viktor Hüqo

23 sentyabr 2011

11:44

Akademik Milli Dram Teatrının səhnəsində yeni tamaşaların məşqləri gedir.

Kulis.az-ın məlumatına görə teatrın tamaşa zalının səhnəsində Türk yazıçısı Sadıq Şendilin “Qanlı Nigar” pyesinin son məşqləridir. Tamaşanın rejissoru Namiq Ağayevdir. Baş rolda xalq artisti Firəngiz Mütəllimova oynayır. Bu tamaşa Milli Dram Teatrının səhnəsində ikinci dəfə hazırlanır. Birinci quruluşda baş rolu Amalya Pənahova oynamışdı.

Tamaşanın premyerası oktyabrın ilk günlərində olacaq.
İlyas Əfəndiyevin “Boyçiçəyi” (“Sən həmişə mənimləsən”) pyesinin məşqləri isə hələ səhnədə deyil, kiçik zalda aparılır.

Azərpaşa Nemətovun quruluş verdiyi tamaşada Həsənzadə rolunda Fuad Poladov çıxış edəcək. Milli Dram Teatrında tamaşaçıları başqa premyeralar da gözləyir. Viktor Hüqonun “Mariya Tüdor” əsəri əsasında “Qadın məhəbbəti” tamaşasına Gəncə Dövlət Dram Teatrının baş rejissoru Gümrah Ömər quruluş verir.

Baş rolu xalq artisti Məleykə Əsədova canlandıracaq. Rejissor baş rejissoru olduğu Gəncə teatrında Axundovun “Müsyo Jordan Dərviş Məstəli şah” əsərinin tamaşasını təhvil vermək üzrədir. O səbəbdən “Mariya Tüdor” üzərində qızğın işlərə oktyabır ayından start verəcək.

Gürcü dramaturqu Avksenti Saqarelinin “Xanuma” pyesi isə Milli Dram Teatrında “Yengələr” adı ilə səhnələşdiriləcək. Baş rol Bəsti Cəfərovaya həvalə olunub.

Ramilə Qurbanlı

1297 dəfə oxunub

Paylaş

Oxşar xəbərlər

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025

Sənət