Amerikada bir insanın siqaret çəkməsi
ətrafında o insanın uğursuz imicini yaradır.
Orxan Pamuk
Yəqin bilirsiniz, artıq Amerikada siqaret çəkmək dəbdə deyil, çəkməmək dəbdədir. Bəs görəsən, Amerika qısa müddət ərzində siqaret çəkməyi ayıb hesab edən amerikalıları yaratmağa necə nail oldu? Siqaret çəkənləri ürəkləri istəyən yerdə tüstü fısqırtmaqdan necə utanacaq vəziyyətə gətirdi?!
Əlbəttə, hələ də çəkənlər var və siqaret hər yerdə açıq şəkildə satılır. Amma gündə 1 qutu çəkirsənsə, deməli ayda 360 dollarından keçməlisən. Hazırda Amerikada siqaretin ən ucuzu 10 dollaradır. Bu pulu ödəyib almaqla da iş bitmir, onu çəkmək üçün də gizlin yer tapmaq lazımdı.
Çünki amerikanlar artıq siqareti kimsəyə göstərmədən çəkməyə qərar veriblər. “Varlı ölkədir və onlar üçün bu məbləğin o qədərə də əhəmiyyəti yoxdur” deyənlərin nəzərinə - orta statistik amerikalı üçün bu, ciddi puldur, yəni onun yaşayışına birbaşa təsir edir. Son 10 ildə bu ölkədə siqaretlə mübarizə məsələsində kütləvi zehniyyət dəyişməsi baş verib. Bağlı yerlər öz yerində, hətta açıq havada belə siqaret çəkilmir.
Başqa sözlə, körpələr yetkinlik yaşına çatana qədər siqaretin üzünü belə görməyəcəklər. Nyu York kimi böyük şəhərlərdən uzaqda siqaretə olan düşmənçilik daha açıq-aydın hiss olunur. Heç kimin diqqətini özünə cəlb etmədən, hamıdan uzaqda, bir ağacın altında siqaret sümürən adamın utandığı sir-sifətindən bəlli olur. Deyəsən, yaxın günlərdə evdə, küçədə, maşında siqaret çəkənlərə də cəza tətbiq olunacaq. Bir sözlə, hava hamınındır və hanı təmiz hava udmalıdır!
Bəs bizdə vəziyyət necədir?! Yəqin bu barədə danışmağa dəyməz. Azərbaycanda təmiz hava udmaq az qala müşkülə çevrilib. “Amerikalılardan nəyimiz əskikdir” deyənlərə tutarlı cavab – elə lap başda pis vərdişdən imtina edə bilməməyimiz!
Vüqar QURDQANLI
“Habertürk” qəzetindəki məqalə əsasında hazırlanıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
XIX əsr Paris modasının siması - O, hansı məşhur rəssamların sevimli modeli idi?
17:15
14 noyabr 2025
Əsərləri Milli İrlandiya Qalereyasında saxlanılan rəssam - Onun hansı tablosu rekord qiymətə satılmışdı?
15:08
10 noyabr 2025
Danimarka şahzadəsinin ölümdən qurtardığı şair - Ona niyə yazmağı qadağan etmişdilər?
10:00
10 noyabr 2025
Modern romanı yenidən inşa edən yazıçı
18:15
6 noyabr 2025
"Əjdaha" karvansarası açdı, dostunun tablosunu özü tamamladı - Renessansın unudulmuş rəssamı kim idi?
14:30
5 noyabr 2025
Erotik əsərlərlə tanınan polyak şair - Onun şeirlərinin tərcüməsi niyə mümkünsüz sayılırdı?
13:00
5 noyabr 2025
