Anri Matissin Vaşinqtondakı Milli qalereyada sərgilənən “Lələkli papaq” adlı əsərinə hücum olunub.
Kulis.az “Washington Post”a istinadən xəbər verir ki, şəklə zərər vurmağa çalışan Suzan Börns adlı amerikalı qadın bundan əvvəl Pol Qoqenin “İki qız” əsərini yumruqladığına görə həbs olunub
Matissin 1919-cu ildə çəkdiyi rəsmi Börns divardan çıxarıb və bir neçə dəfə divara çırpıb. Nəticədə 250 dollar dəyərində olan çərçivə yararsız hala düşüb, ancaq xoşbəxtlikdən əsər zədələnməyib.
Məhkəmə “sənət düşməni” olan qadına, Qoqenin rəsminə hücumdan sonra Vaşinqtonun bütün muzeylərinə girişi qadağan edib. Buna məhəl qoymayan Börns bu dəfə oğurluğa cəhd, sərgidəki əşyalara zərər vurma, muzeyə qanunsuz giriş, məhkəməyə hörmətsizlik maddələri ilə yenidən mühakimə olunacaq.
Börnsün 2,5 milyon dəyərində olan “Lələkli papaq” əsərini məhv etmə səbəbi hələ məlum deyil. Ancaq qadın Qoqenin 80 milyon dəyərində olan əsərini zədələməsini belə izah etmişdi: “Onun əsərlərində təsvir olunmuş çılpaqlıqların uşaqlar üçün zərərlidir. Bu əsərlər məhv olmalıdır. Hamınızı öldürəcəyəm”
Bundan başqa, Suzan Börnsün əvvəllər də həbsdə yatdığı məlum olub. Belə ki, o, 2006-cı ildə polisə təcavüz və döymək cinayəti ilə 6 ay həbs cəzası alıb. 2002-ci ildə də başqasının ərazisinə icazəsiz girdiyinə görə məsuliyyətə cəlb olunub.
Günel Əsgərzadə
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Ən güclü spermatazoid olaraq doğulmağı bacarmışam... - Hikmət Orhunun yeni şeirləri
14:30
25 dekabr 2025
Mədəniyyət Nazirliyi niyə bu müəlliflərin kitablarını alıb?- Satınalma prosesindəki meyarlar
12:55
25 dekabr 2025
"Eyni aqibət Mehdini də gözləyir!" - Hekayə müzakirəsi
12:00
24 dekabr 2025
Üzeyir bəy portretinin çəkilməsinə niyə razılıq vermədi? - Konservatoriyanı "aldadan" rəssam haqqında
12:00
19 dekabr 2025
Buninin yazışdığı, Yüngerin heyran qaldığı azərbaycanlı qadın yazıçı - O, Ramiz Abutalıbova nə vəsiyyət etmişdi?
10:00
18 dekabr 2025
"Bu xəstəxanada hamı ləng hərəkət edir" - Vaqif Mustafazadə hansı konsertindən sonra vəfat etdi?
12:00
16 dekabr 2025
