Qəbələ III Beynəlxalq Musiqi Festivalının son günü

Sənət

Ana səhifə
Sənət

Qəbələ III Beynəlxalq Musiqi Festivalının son günü

5 avqust 2011

11:06

Qəbələ III Beynəlxalq Musiqi Festivalı bugün sona çatır,

Kulis.az “Azərtac”a istinadən xəbər verir ki, avqustun 5-də Qəbələ III Beynəlxalq Musiqi Festivalının yekun konserti olacaq. Konsertdə məşhur musiqiçilər Boris Berezovski (piano) və Dmitri Yablonski (violonçel) Avropa bəstəkarlarının əsərlərini səsləndirəcəklər.

Dünən isə festivalda çərçivəsində “Qafqaz Resorte” otelinin qarşısında keçirilən konsertdə bəstəkar İ.Sibeliusun “Finlandiya” simfonik poeması, C.Rossininin “Sevilya bərbəri” operasından uvertüra və Fiqaronun kavatinası, V.A.Motsartın “Don Juan” operasından Don Juanın ariyası, Serlina və Don Juanın dueti, “Sehirli fleyta” operasından Paminanın ariyası, C.Verdinin “Don Karlos” operasından Rodriqonun ariyası, L.Bernştaynın “Kandid” operasından Kuniqundanın ariyası, J.Bizenin “Karmen” operasından Toreadonun kupletləri, F.Leqarın “Şən dul qadın” operasından duet, E.Svendsenin romansı və İ.Haydnın cello və orkestr üçün konserti səsləndirilib.

Orkestrin çıxışı norveçli Terje Mikkelsenin dirijorluğu ilə keçib. Orkestr solo ifadan əlavə, “Qızıl Şelkunçik” beynəlxalq mükafatının sahibi Lizi Ramişvilini (Gürcüstan, violoncel), vokalçılardan “Şahzadə Sonya” beynəlxalq musiqi müsabiqəsinin qalibi Audun İverseni, “Leonie Sonnings” beynəlxalq mükafatının sahibi Lina Consonu (hər ikisi Norveç) müşayiət edib.

Çıxışlar tamaşaçılar tərəfindən böyük maraqla qarşılanıb.